Судија од судот во Менхетн во Њујорк денеска му дозволи на новоизбраниот претсетдател на САД, Доналд Трамп да побара отфрлање на кривичниот предмет против него за тајните исплати на пари на порно актерката Сторми Даниелс, пренесува МИА.
Окружното обвинителство на Менхетн пред три дена соопшти дека се согласува да се одложи изрекувањето пресуда за Трамп во случајот што се води против него поради тајни плаќања на Сторми Даниелс во замена за нејзиното молчење за нивната наводна афера.
Обвинителството соопшти дека се одложува изрекувањето на пресудата за да им се даде време на обвинителите да го разгледаат очекуваниот предлог на Трамп за отфрлање на случајот.
