Судскиот совет на денешната седница нема да избира претседател на Апелацискиот суд Скопје, туку ја назначи Лидија Димчевска за в.д. претседател, додека трае вонредното оценување на кандидатите.
Вонредното оценување го побара членот на Судскиот совет Влатко Самарџиски, кој рече дека тоа е согласно Законот.
Самарџиски додаде дека некои од кандидатите од Кривичниот суд биле ниско рангирани поради злоупотреби со годишниот распоред на судиите.
Предлогот на Самарџиски го поддржаа осум членови на Судскиот совет, додека шест беа против.
Членот на Судскиот совет Александра Зафировска се спротивстави за вонредното оценување на судиите, велејќи дека овој предлог е задоцнет.
Досегашната претседателка на Апелацискиот суд Скопје Љиљана Ивановска Шопова ја напушти функцијата поради заминување во пензија.
извор: МИА
Содржините кои ЦИВИЛ ги презема од други извори не подлежат на лиценцата Creative Commons 1.0, инаку вообичаена за содржините кои ги објавува оваа медиумска платформа. Ве молиме, консултирајте се со изворот за преземање на таквите содржини.
