Дали се потребни предвремени парламентарни избори? Дали „брзи избори“ значат чекање од половина година? Со кои проблеми се соочува изборниот систем? Имаат ли институциите капацитет да спроведат квалитетен изборен процес, со максимално почитување на правото на глас? Има ли време да се направат измени во Изборниот законик со кои ќе се подобри изборниот процес? Кои се основните прашања во врска со финансирањето на политичките партии во изборен контекст? Колку е оправдана „Пржинска“ влада во овие услови?, беа прашањата што на денешната прес конференција за одлуката за предвремени парламентарни избори ЦИВИЛ даде одговор.
„ЦИВИЛ бара од институциите и од политичките центри на моќ да ја преиспитаат својата одлука да се оди на избори на 12 април и изборите да се спроведат најдоцна во јануари, а по можност и во декември. Тоа се брзи предвремени избори, а не април 2020 година“, рече Дерала.
Како што истакна Дерала, предвремените збори во овој момент ќе предизвикаат сериозни забавувања дури и стопирање на важни процеси, процеси на реформи без оглед на тоа дали некој во земјата смета дека тие се успешни или не.
„Ќе ги имаме истите проблеми , што ги имавме во сите изминати изборни процеси. ќе имаме сериозни проблеми во доменот на трошењето на јавни пари. Политичкото финансирање ќе биде такво какво што било и до сега со простор за многу матни зделки. Не преудицирам дека тие тоа ќе го прават, но Иборниот законик до извесна мерка тоа го дозволува. Да не зборуваме дека имаме индиции од претходните циклуси дека црните пари се во оптек во текот на изборите… Со ваков Изборен законик се спровеле изборни процеси, па дури и такви што ние самите сме ги окаратеризирале како слободни избори, бидејќи не се работи само за законска рамка, туку и за политичка волја. “, одговори Дерала на новинарско прашање, што доколку нема измени во Изборниот законик, за кои не постои ниту политичка волја.
На прашањето за што всушност се согласија лидерите на поголемите политички партии, кога го одредија датумот за избори, во време кога се очекуваше да се спроведе пописот на населението, Дерала истакна дека согласност се даде на опозицијата, која покрај поздравот за одговорноста на премиерот Заев, сигурно имале лоши аргументи зошто изборите би требало да бидат во април.
„ЦИВИЛ веќе алармираше дека ситуацијата со ААВМУ е алармантна и Законот за медиуми треба да итно да се донесе. Веруваме дека медиумите ќе се најдат во многу тешка ситуација доколку не се одблокираат процесите. Во право сте, овие промени добро е да бидат дел од пржинскиот процес. Сепак, Пржинска влада од искуство, во тие 40 дена колку што беше СДСМ на власт, беше тажно, некогаш смешно, да се гледа“, одговори Дерала на прашањето како медиумите без измени во законот, проблемот со ААВМУ, МРТВ, ќе ги поминат изборите и дали сите овие промени треба да бидат дел од Пржинскиот процес.
Б. Јордановска
Камера: Атанас Петровски и Ариан Мехмети
Монтажа: Ариан Мехмети
Фотографија: Кирил Михаилов
