Проектот „Заедниците против насилниот екстремизам“ што ЦИВИЛ го спроведува со поддршка од Амбасадата на САД во Скопје, цели кон воведување конкретни и ефикасни мултидисциплинарни пристапи, придонес кон мобилизација, образование и зајакнување на заедниците на локално ниво, кон меѓусекторски партнерства и соработка меѓу структурите кои донесуваат одлуки и релевантните чинители на локално и национално ниво, за да се развијат и имплементираат ефикасни акциони планови за борба против насилниот екстремизам, радикализацијата и тероризмот.
Битен сегмент во процесот се идентификација на факторите за радикализација на индивидуи и групи, разбирање и препознавање на потенцијалите за насилен екстремизам, промоција на ненасилни начини на критика и протест, како и помош во создавање и спроведување на локални и национални планови против насилниот екстремизам.
По успешните работни средби во Чаир, Гази Баба и Велес, како успешната работна средба со претставници на Министерството за внатрешни работи, како продолжување на соработката и партерството согласно потпишаниот Меморандум во мај годинава, на ред се формирање на работни средби во Куманово, Тетово и Струга.
На кумановската работна средба што ќе се одржи на 29 ноември, 2018 ќе ѝ претходи потпишување на Меморандум за соработка во борбата против насилниот екстремизам меѓу Општина Куманово и ЦИВИЛ. Градночалникот на Куманово, Максим Димитриевски, заедно со претставниците на училиштата, полицијата, граѓанските организации и експерти во во областа на екстремизмот, а во заедничка комуникација со тимот на ЦИВИЛ, ќе имаат можност да придонесат со конкретни мерки и решенија за превенција.
Во Велес на 30 ноември, со почеток во 10 часот, градоначалникот Аце Коцевски и претседателот на ЦИВИЛ, Џабир Дерала, ќе потпишат, исто така, Меморандум за соработка во борба против насилниот екстремизам, о што ќе следи формирање на работна група што во следниот преиод ќе работи на конкретни активности и организирање на јавен настан во Велес за превенција, разбирање и препознавање на насилниот екстремизам.
На почеток на декември вакви средби се предвидени во Чаир, Тетово и Струга, како и формирање на работна група и потпишување на Меморандум за соработка во Гази Баба.
Како дел од проектните активности, во овој период ЦИВИЛ оствари и повеќе средби со преставници на Националниот комитет за спречување на насилниот екстремизам и борбата против тероризмот.
Б. Јордановска
