„Тврдокорните“, повторно ги повикуваат браќата Македонци на протест во среда, во 18 часот, пред седиштето на ВМРО-ДПМНЕ, за како што велат „одбрана на државата од двојазичност“. Тие ќе им испратат и порака на челниците на ДПМНЕ – „Или извадете го народот на улица и бранете ја Македонија или тргнете се од политиката!“
Потоа од пред зградата на ДПМНЕ маршот ќе се движи до пред Собрание за да им кажат на „пратениците“: „Секој што ќе крене рака за двојазичност односно двонационалност од сега натаму од нас и македонскиот народ ќе добие посебен режим и посебен третман“.
„Половина од сите вие кои го читате овој текст нема да бидете на овој свет после 30 години, но другата половина ќе страда од последиците од овој закон за двојазичноста“, се вели во нивниот повик во кој исто така се поставува прашањето, дали за браќата Македонци идниот чекор е двојазичност на нивните гробови.
„Двојазичноста не е само губење на македонскиот карактер на државата, туку и прикриен тивок, но сигурен културен геноцид врз македонската нација“, стои во повикот.
Причините за протестот на Тврдокорните се и борбата на 115.000 што за македонскиот јазик платиле со крв. Во 2001 македонски синови гинеле, како и прашањето зошто никогаш не е покренато прашањето – „Кои права ги имаат Македонците во Албанија?”, туку секогаш прашањето е – „Правата на Албанците во Македонија?”.
Тие за најголем непријател на македонскиот народ ги сметаат македонските политичари, односно политичките партии ВМРО-ДПМНЕ и СДСМ.
„Овие 2 партии (криминални здруженија) ја прифатија тиранската платформа. Уште се свежи лузните од велепредавствата на ВМРО-ДПМНЕ како амнестијата за хашките случаи, назначувањето на Талат Џафери за Министер за одбрана, Законот за јазиците, Законот за знамињата, продажбата на Кичево итн. Ние се бориме против овие 2 предавнички криминални структури. Ние сме заколнати непријатели на овие 2 мафијашки кланови, кои заедно со нивите албански коалициони партнери работат на уништување и егзодус на македонскиот народ.
„Ние сме Тврдокорни и ние сме овдека да ги браниме македонските национални црвени линии!“, стои во повикот.
Со ова Тврдокорните, уште еднаш сакаат да се докажат како натпартиско здружение. И да не заборавиме во својот повик сестрите Македонки не се повикани на улица да се борат за македонскиот јазик.
А за потсетување во моментот Зоран Заев со својата на 1 септември во Арачиново „Заедно пишуваме историја. Јас сум првиот Македонец што се бори за правата на Албанците…“, и така со своите амбиции го ископал гробот на македонскиот народ.
Или само на браќата Македонци?
Биљана Јордановска