Окупаторите не ги кријат своите злосторства во Оленивка. Водачите на окупаторите не кријат дека намерно извршија напад врз поправниот дом во привремено окупираната Оленивка, Донецка област во кој се наоѓале украински затвореници, пренесува Главком.
Шефот на „ДНР“ Денис Пушилин рече дека во моментот на гранатирањето во зградата имало 193 лица. Тој додаде дека меѓу приведените во притворот во Оленивка немало странци.
Пушилин нагласи дека „гранатирањето било намерно за азовците да не сведочат за извршените злосторства“.
„Како резултат на ноќното гранатирање на територијата на поправниот дом во населеното место Оленивка, каде што се држат украински воени заробеници, загинаа 53 лица, а уште 75 се повредени“, се вели во пораката на „Штабот за територијална одбрана“ на „ДНР“.
Покрај тоа, од таргетираниот напад на окупаторот врз колонијата не беше повреден ниту еден вработен во институцијата. За ова пред камера раскажаа самите вработени во институцијата.
„За жал, настрадаа само заробениците“, вели една од вработените во институцијата.
Како што е познато, денес, на 29 јули, руските вооружени сили извршија таргетиран артилериски напад врз поправна установа во привремено окупираната Оленивка во Донецката област, каде што се држеле вклучително и украински воени заробеници.
Генералштабот на Вооружените Сили на Украина извести дека гранатирањето било направено со цел да се обвини Украина за воени злосторства и да се прикрие тортурата врз заробениците.
Исто така, основачот и првиот командант на полкот „Азов“ Андриј Билецки изјави дека оваа ноќ русите убиле дел од заробените азовци за време на напад на затворот во привремено окупираната Оленивка. Според него, војниците на полкот биле префрлени во посебна зграда. Билецкиј нагласи дека руските команданти масовното убивање на затворениците го наместиле како дејствија на украинската армија.
М.Д.
