На денешнта 65 седница на Советот на општина Кочани дојде до инцидент во кој учествуваа советниците Аки Акиов од Партијата за Демократски Просперитет на Ромите (ПДПР) и Мирче Стојков од ВМРО=ДПМНЕ.
Како што пренесува Мета, откако Акиов влезе во вербална расправа со советниците од ВМРО-ДПМНЕ, поточно со советникот Мирче Стојков, откако советникот на ВМРО-ДПМНЕ го обвини в.д. градоначалникот Венко Крстевски за селективно постапување во однос на инспекциските служби поточно меѓуопштинска соработка.
По дофрлувањето од страна на советникот Аки Акиов за време на говорот на Стојков, тој рече дека веќе е време да се крене дигнинтетот и авторитетот на Советот на општина Кочани и совентиците да се почитуваат еден со друг а да не се подлегнува на иницијативите на Аки Акиов.
„Аки Акиов може во ромското маало така да се однесува а не да одите по паметот на Аки Акиов“, рече Стојков.
По тоа реплика побара Акиов и му се обрати на Стојков:
„Ти овие три и пол години што направи? Му зборуваш на Венко за селективна правда. Како не ти е срам, изгореа децата во дискотеката „Пулс“, 62 жртви имате, 250 луѓе имате повредени, луѓето немаат завои за …
По ова се вжешти атмосферата, почнаа довикувања и навреди и имаше обид за физичка пресметка. Акиов се упати кон еден од советниците на ВМРО-ДПМНЕ за со него физички да се пресмета. Градоначалникот Крстевски се обиде да го спречи, но тој зема стаклено шише за вода и замавна погодувајќи една од вработените во општината.
Снимката од настанот ја објави штипската телевизија М-нет. На неа се слушаат повици за пресметка и пцости.
М. Д.
