Во текот на изминатото деноноќие, за време на спроведувањето на мерките за ограничено движење и заштита на граѓаните од ширење на коронавирусот COVID-19, според статистичките податоци на МВР, три лица во Кичево не ја почитувале забраната за движење, информира портпаролот на СВР Охрид, Стефан Димоски.
Тој објасни дека вчера во 16:30 часот, на локален пат во кичевското село Осој, три лица не ја почитувале забраната за движење и го нарушиле јавниот ред и мир со физички напад извршен од Р.В.(29) од истото село врз С.М.(26) и Б.М.(19), двете од Кичево. Против нарушителите, најави, ќе бидат поднесени соодветни пријави. Во истиот период, не се евидентирани кражби и сообраќајни незгоди.
-Вкупниот број на лицата во самоизолација, во моментов изнесува 294, од кои пет во Кичево. Врз нив е извршена контрола. Полициските службеници извршија и 77 контроли на угостителски и други објекти, рече Димоски.
