Војската на Мјанмар пукаше кон кинескиот хуманитарен конвој кој носеше залихи во областите погодени од земјотрес со јачина од 7,7 степени според Рихтер, тврдејќи дека не била известена дека конвојот ќе минува низ областа, објави Би-би-си, пренесува ЦивилМедиа.
Воениот водач Мин Аунг Хлаинг претходно ги отфрли повиците на вооружените бунтовнички групи за прекин на огнот за да се овозможи помош во областите погодени од земјотресот
Три вооружени групи повикаа на привремен прекин на борбите, бидејќи официјалниот биланс на загинати од земјотресот во Мјанмар сега е 2.886, додека бројот на повредени е 4.639. 373 лица се уште се водат како исчезнати.
Меѓутоа, војската продолжи да ги бомбардира областите погодени од земјотресот, при што Мин Аунг Хлаинг рече дека „ќе продолжат да ги преземаат неопходните безбедносни мерки“.
ОН велат дека земјотресот ја надополнил „веќе страшната криза“ во Мјанмар, кој е среде граѓанска војна
Земјотресот беше почувствуван на стотици милји подалеку во соседните земји како Тајланд, каде што бројот на загинати е 21.
Спасувачите во двете земји сè уште трагаат по преживеани, иако надежите исчезнуваат бидејќи повеќе тела се извлекуваат од урнатините на урнатите згради
Д. Мишев
