Обединетата македонска дијаспора ја назначи Вероника Томова за прв директор за Македонија. Таа ќе работи во Скопје и ќе биде задолжена за шест земји од регионот: Албанија, Бугарија, Грција, Косово, Македонија и Србија.
Според претседателот на ОМД Стојан Николов, одлуката на организацијата да ја прошири дејноста во Македонија е многу значајна не само од организациски аспект, туку има и своја симболика. – Тоа покажува дека ОМД инвестира во иднината на нашата татковина и работи на унапредување на соработката и на врските со владата, цивилното општество и локалните заедници, вели Николов.
извор: МИА
