Двајца цивили се убиени во непријателското артилериско гранатирање на селото Золочив во украинската област Харков., објави на Телеграм прес-службата на Регионалната воена управа на Харков, пренесува Укринформ.
„Попладнево окупаторите повторно стрелаа со артилерија врз Золочив. Има цивилни жртви: мажи на возраст од 39 и 52 години“, се вели во извештајот.
Администрацијата ги повика жителите на регионот и градот Харков да останат во засолништа што е можно повеќе.
Руските војници убиле тројца цивили во регионот на Доњецк во текот на изминатиот ден.
„На 4 септември, Русите убија тројца цивили во регионот на Доњецк: двајца – во Курахове и еден – во Соледар. Уште три лица беа повредени“, објави на Телеграм Павло Кириленко, шеф на регионалната воена управа на Доњецк.
Според него, во моментов е невозможно да се утврди точниот број на жртви во Мариупол и Волноваха.
Четири пожари избувнаа во регионот на Миколаев поради руските напади во изминатиот ден. Гореле магацини за жито, претпријатие и станбена зграда.
„Во текот на изминатите 24 часа на територијата на регионот Миколајев беа регистрирани четири пожари како резултат на удар на муниција и нивни фрагменти. непријателско гранатирање утрото на 4 септември (пожарот беше изгаснат на површина од 100 квадратни метри)“, објави на Фејсбук Одделот за регионот Миколаев на Државната служба за вонредни состојби на Украина.
Непријателот го погоди и градот Березнехувате, запалувајќи ги магацините на локално претпријатие.
Свои последици имаше и масовното ноќно гранатирање на градот Миколаев. Руските агресори уште еднаш погодија веќе оштетен магацин на едно од градските претпријатија. Спасувачите биле информирани за уништување на објектот со последователен пожар.
Во текот на денот, напаѓачите уништија и запалија станбена зграда во селото Первомаиске во областа Миколаев.
Како што е соопштено, во регионот на Миколаев, секое трето училиште е оштетено, а 23 училишта се уништени во руските напади од почетокот на војната.
Руските трупи ноќта со тешка артилерија го погодија округот Никопол во областа Днипропетровск.
„Ноќе, округот Никопол повторно беше под руски оган. Двапати беше гранатиран со тешка артилерија. Нема повредени“, објави на Телеграм Валентин Резниченко, шеф на регионалната воена управа на Днепропетровск.
Како што е наведено, еден станбен блок и десет приватни куќи биле оштетени во Никопол. Оштетени се девет згради, меѓу кои училиште, детско и младинско спортско училиште, продавница и кафуле.
Искршени се неколку далноводи. Тие се веќе санирани.
Сирената за воздушен напад во текот на ноќта се огласи во други области во регионот, но не беа извршени напади.
Подготви: Д.Мишев
