Очекувајќи ги финалните резултати од евро парламентарните избори, расте загриженоста кај зелените европски партии. Прелиминарните резултати одат во прилог на екстремно десно ориентираните партии кои, според Зелените, не се заинтересирани или доволно амбициозни за решавање на климатските промени.
Европскиот Зелен договор, како и ветувањето во 2019 година дека Европа ќе биде првиот неутрален континент со намалување на загадувањето и заштита на природата до 2050 година, е под ризик со свртувањето на Европа крајно десно.
Во прилогот на Гардијан, коментарот е насочен кон одржливоста на зелените теми наспроти изборната кампања на десничарите насочена кон економијата, миграциите и европскиот идентитет.
Политиките кои привлекоа најголем гнев од десницата се оние кои директно ги засегаат гласачите – од постепено укинување на автомобилите со мотори со согорување до ефективно забрана на нови котли на гас – и оние кои ги зголемуваат краткорочните трошоци за земјоделците. Централнодесничарската Европска народна партија, за која се предвидува дека ќе ги зголеми своите места, веќе почна да отстапува од поддршката за некои мерки на Зелениот договор во парламентот во заминување, пишува Гардијан.
„И покрај големото внимание насочено кон придобивките на екстремната десница, огромно мнозинство од Европејците сепак гласаа за партиите во политичкиот центар. Останува на десниот центар, либералите и социјалдемократите [да одлучат] колкава моќ и влијание и дозволуваат на екстремната десница и нивните идеи да имаат за иднината на Европскиот зелен договор. Изборите на овие политички семејства во наредните недели ќе бидат одлучувачки за капацитетот на Европа да дејствува против драматичните влијанија и ризици од климатските промени“, вели Винсент Хуркенс, тинк-тенк организацијата за климатски промени E3G.
Остануваат големи битки околу постојните предлози за климатска политика. ЕУ планира да постави правно обврзувачка цел за емисиите за 2040 година според следната комисија, додека европските министри за животна средина во понеделник ќе гласаат за судбината на предложениот закон за заштита на природата, кој се соочи со огромни реакции од земјоделските лоби.
Матијас Бак, директорот на Agora Energiewende, за развој на политички изводливи и научно засновани стратегии и решенија за трансформација на климатска неутралност во Германија, Европа и на меѓународно ниво, вели дека европските избори ја истакнале важноста на достапната енергија, безбедноста, безбедните работни места и конкурентноста. Тоа, според Бак, значи забрзување на инвестициите во чиста енергија и развивање робусна индустриска стратегија која обезбедува сигурност за компаниите кои инвестираат во климатски неутрална иднина.
„Изминатите пет години цврсто го воспоставија Зелениот договор како стратегија за раст на ЕУ на нејзиниот пат кон климатска неутралност. Главната задача за следните пет години е да се осигураме дека граѓаните и бизнисите целосно ќе имаат корист од транзицијата, вели Бак за Гардијан.
Б. Ј.
