Постојано им кажуваме на нашите партнери дека на Украина и треба модерно противракетно оружје. Нашата земја сè уште го нема на доволно ниво, но на нашата земја во Европа во моментов најмногу и треба такво оружје.
Доцнењето со неговото обезбедување не може да се оправда. Постојано ќе го потенцирам ова кога разговарам со нашите партнери. Првите барања за противракетни системи ги направивме многу пред целосната инвазија.
И оваа недела ќе има многу различни важни разговори – и тоа не само со европските политичари кои се способни да и обезбедат на Украина модерни противракетни системи, изјави украинскиот претседател Володимир Зеленски во своето видео обраќање во вторникот навечер.
Зеленски, исто така, нагласи дека украинските единици за противвоздушна одбрана успеале да ги „пресечат крилјата“ на руските ракети на 14 јуни.
„Некои од проектилите истрелани од окупаторите кон нашите градови беа соборени. И ова се спасени животи. Ова е спасена инфраструктура. Но, успеавме да собориме само дел од нив. За жал, има жртви, има уништување. Денеска беа погодени регионите на Лавов и Тернопил. И ние постојано им кажуваме на нашите партнери дека на Украина и треба модерно противракетно оружје. Доцнењето со неговото обезбедување не може да се оправда. Постојано ќе го потенцирам ова кога разговарам со нашите партнери.“, рече Зеленски.
Дополнително, Зеленски рече дека Украина ги направила првите барања за противракетни системи долго пред целосната инвазија, а оваа недела ќе има многу различни важни разговори, и тоа не само со европските политичари кои се способни да и обезбедат на Украина современи анти -ракетни системи.
„Иако Русија има се помалку и помалку модерни ракети секој изминат ден, потребата на Украина за такви системи останува. Бидејќи Русија сè уште има доволно советски типови ракети, кои се уште поопасни. Тие се многу пати помалку прецизни и затоа ги загрозуваат цивилните објекти и обичните станбени згради многу повеќе“, рече Зеленски.
Зеленски имформира дека разговарал со премиерот на Канада Џастин Трудо, и секако, тема број еден била поддршката во одбраната. Канада е меѓу лидерите во тоа. Изразил благодарност за фактот што Канада стана првата земја што префрли специјална помош на украинската сметка во ММФ – околу 800 милиони долари.
Исто така, Зеленски соопшти дека имал разговор и со претседателот на Еквадор, на кого му честитал за изборот на Еквадор за член на Советот за безбедност на ОН. Го информирал за моменталната ситуација на бојното поле и повикал на зголемен притисок врз Русија да ја прекине оваа војна. И овој разговор со претседателот на Еквадор и вчерашниот разговор со претседателот на Гватемала се само почеток на новата политика за обновување на односите со Латинска Америка.
Зеленски побарал од врховниот командант на вооружените сили на Украина да биде многу внимателен во извештаите во медиумите и на социјалните мрежи дека некои од нашите борци немаат доволно лична заштитна опрема.
Извештаите што ги добивам се значително различни од она што го дискутира општеството. И очекувам инспекции на логистика во армијата – проверки што се снабдува и како се дели личната заштитна опрема. Денес, секој во областите на воените дејствија мора да има се што е потребно за да се заштити. Државата обезбедува такви залихи, истакна Зеленски.
Тој нагласи дека во текот на изминатиот ден не се случија драстични промени во битката во Донбас. Најжестоки борби се во Северодонецк и во сите градови и заедници во близина – како и досега. Загубите, за жал, се болни. Но, мора да се одржиме. Ова е нашата држава. Од витално значење е да се одржиме таму, во Донбас. Колку повеќе загуби непријателот претрпи таму, толку помала моќ ќе имаат да ја продолжат агресијата. Затоа, насоката во Донбас е клучна за да се одреди кој ќе доминира во наредните недели.
Болни загуби имаме и во регионот Харков, каде руската армија се обидува да ја зајакне својата позиција. Битките за оваа насока продолжуваат, а ние сè уште треба да се бориме напорно за целосна безбедност на Харков и регионот, рече Зеленски. Продолжуваме да вршиме притисок врз окупаторите на југ. Клучната цел е ослободувањето на Херсон и кон тоа ќе се движиме чекор по чекор.
Исто така, Зеленски потпишал уште еден декрет за награди на оние кои се истакнаа во битките. Наградени се 63 војници за храброст и ефикасност во одбраната на државата, со ова вкупниот број на наградени е веќе 18.453. И таквите размери, толкав број подвизи целосно го демонстрираат нивото на конфронтација и бруталноста на непријателствата.
Подготви: Д.Мишев
