Нема да бидат можни преговори со Русија доколку таа организира ревијално судење на заробените украински бранители, изјави украинскот претседател Володимир Зеленски во видео обраќањето во неделата навечер.
„Започнува 180-тиот ден од нашата одбрана и нова недела. Не можеа ни да замислат дека ниту сега, по шест месеци ваква брутална војна, ќе ја славиме нашата независност на нашата земја и во нашиот главен град. Но, тоа е така. Ова е наша земја. Ова е нашата независност, која никој не може да ја скрши и никој не може да ја одземе. И знаете дека е така. Сите во Украина го чувствуваат тоа. 180 дена – речиси шест месеци – апсолутното мнозинство од нашиот народ не се сомнева дека ќе ја постигнеме победата на Украина“ изјави Зеленски на почетокот од обраќањето.
Тој нагласува дека Украинците се обединети, и дека сега се посигурни отколку многу децении претходно.
„Една од главните цели на руските терористи е да удираат по чувствата на Украинците, по раните во душите на нашиот народ, исто како и по нашите градови… Тие удираат сурово, цинично. Но, со друго оружје. И не само со пропаганда, не само со лаги. Измачувањето на луѓето, сите оние кои ги трпат најголемите болки, најголемите тешкотии, е едно од ужасните средства за притисок, што стана секојдневие за Русија“, вели Зеленски.
Издвојува дека има доволно информации во медиумите дека во Мариупол се подготвува сценографијата за, како што вели, апсолутно одвратно и апсурдно шоу судење на украинските бранители кои се заробеници на окупаторите.
„Што и да мислат окупаторите, што и да планираат, реакцијата на нашата држава ќе биде апсолутно јасна. Ако се случи ова одвратно шоу судење, ако нашите луѓе се доведат во оваа сценографија со кршење на сите договори, сите меѓународни правила, ако има злоупотреба… Ова ќе биде линијата по која се невозможни никакви преговори. Русија ќе се отсече од преговорите. Нема да има повеќе разговори. Нашата држава кажа се.
Тој соопшти дека сите партнери на Украина се информирани за што може терористичката држава да подготви оваа недела.
Претседателот информираше дека разговарал со претседателот Макрон за сите закани, и за сето ова информиран е и претседателот на Турција Ердоган.
Сигурен сум дека ќе реагира и генералниот секретар на ОН. Тие и другите светски лидери добија соодветни сигнали од нас. Секој разбира сè. Тие разбираат што прават окупаторите и што се заканува. И тие разбираат дека Украина нема да го толерира ова. Нема да толерира мачење на луѓе за кои може да се каже само едно: тие се херои на својата татковина, тие ја бранеа слободата на својот народ од освојувачите на нивната земја, потенцира Зеленски.
Тој нагласи дека дури и во време на војна, мора да има правила. Моќта на светот е дефинитивно доволна за да ја доведе секоја држава, кој било терорист под власта на овие правила.
Па, сите ние – сите Украинци – мора да запомниме една работа: без разлика на се, нашата цел е победа“, истакна Зеленски во обраќањето.
Подготви: Д.Мишев
