„Вие добро знаете дека ова не се обични локални избори. Вашата одлука е исклучително важна – не е само, уште една обична одлука. Ние не гласаме само за наши градоначалници, за наши градови, туку сите ние заедно ќе одлучиме каква ќе биде Македонија после 15-ти октомври. Во каква Македонија ќе живееме. Вашата одлука е конечна. Вие го имате последниот збор. Запомнете дека само граѓаните на Македонија, вие одлучувате за заедничката иднина, за иднината на нашите градови и за иднината на нашата држава“, им порача Груевски на граѓаните на Радовиш.
Во стилот на неговата добро позната квазипатриотска реторика, со примеси на хистерија и наднационализам, Груевски повторно, како и на сите предизборни митинзи во изминатите петнаесет дена, повторно ја промаши поентата на локалните избори. Па, наместо ветувања, за решавање на локалните проблеми, Груевски реши да си ги каже своите маки пред насобраните граѓанки и граѓани, и да ја побара нивната поддршка, за сопствен спас.
„Ние сме партија на граѓаните на Македонија, на народот во Македонија и ние сме гаранција за силна и сигурна Македонија. Сите вие знаете каква промена, развој и раст доживеа Македонија во последните 10-тина години. Се сеќаваме сите каде бевме пред 11 години, и каде бевме кога им ја препуштивме власта пред 5 месеци. Зборуваат со клевети, лаги и празни зборови. Нивната политика е политика на празни зборови. Тоа е политика на клевети. Тоа е политика на навреди. Тоа е политика на креирање тензии меѓу луѓето и заплашување, на нови афери, корупциии, криминал… Тие знаат само да палат, укинуваат и уништуваат. Сите мора да го знаат следново, ние не се плашиме од никого, ние сме ВМРО. Ги посветивме нашите срца, мисли и животи за оваа кауза. И не се откажуваме од нашата земја. Сè додека нашиот народ, нашите граѓани тоа го сакаат, ние ќе стоиме исправено и гордо. Никогаш нема за застанеме, да се предадеме. Никогаш нема да го заборавиме и да го смениме нашиот правец за развој на нашата земја. Ќе продолжиме да ги исполнуваме нашите ветувања, да работиме, да нудиме проекти и решенија. Тие не се способни да го прават тоа, тоа се покажа во минатото. Тие не се способни да даваат решенија и да создаваат проекти“, истакна Груевски, но со оглед на единаесетгодишната политика која ја води ВМРО-ДПМНЕ, останува нејасно, дали сето горенаведено се однесува на неговите најголеми политички противници, или пак, Груевски, совршено ја опиша својата работа како лидер на оваа партија сите овие години.
Целта и поентата на предизборните митинзи, ја промаши и Заев, па на централниот митинг во Скопје, побара поддршка од граѓаните за целосно ослободување на Македонија од режимот кој ја опустоши. Најави продажба на „мерцедесот“ кој беше купен за премиерот Никола Груевски. Зборуваше за укинувањето на радиодифузната такса, субвенциите и стабилизирањето на односите со соседите. На митингот за поддршка на кандидатот за градоначалник на Скопје…
Маја Ивановска
