Гордана Цветаноска, новинарка и сопственичка на Радио „Пела“ од Прилеп, во разговор со ЦИВИЛ Медиа, изјави дека за своите права и слободи новинарите треба сами да се изборат, а медиумите финансиски да се осамостојат.
ЦИВИЛ Медиа: Што за вас претставува слободата на изразување и слободата на медиуми?
Цветаноска: За мене лично како новинарка слободата на изразување и слободата на медиумите, барем во овој 21 век е нешто за кое не треба човек да се бори како основно човеков право. Меѓутоа кај нас во Македонија соостојбата е поинаква. Не зборувам за овој момент во 2018 година, туку зборувам за наназад 26 години. Зошто? Затоа што основниот проблем за слободата на медиумите е начинот за финансирање. Ова го зборувам и од позиција на основач на најмладиот медиум во регионот, радио „Пела“, а и од позиција на новинарка. Тоа е основната пречка поради која нема доволно слобода на изразување и слобода во медиумите. Финансирањето на медиумите мора еднаш за секогаш во Македонија да се реши.
ЦИВИЛ Медиа: Дали сте се соочиле со притисоци од бизнис или полтичките центри на моќ и како сте се справиле со нив?
Цветаноска: Имало и секогаш ќе има притисоци. А како ќе се справиш со тие притисоци, зависи и од самиот новинар. Кога станува збор за сопственикот на медиумот зависи од тоа дали знае да го „искористи“ тој притисок или пак не. Новинарот секогаш има, заради личната определба, можност да го избегне притисокот, но тој секогаш ќе падне какотовар на некој туѓ грб, на некој негов колега. Секогаш ќе има притисоци, но останува на личниот професионализам како новинарите ќе се носат со нив. Тоа уште еден проблем за кој многу малку се зборува. Ние заеднички треба да се избориме и да се спротивставиме со притисоци.
Незма како тоа ќе успее, но тука е нели и Здружението на новинарите на Македонија, кое треба да се грижи за остварување на нашите права.
ЦИВИЛ Медиа: Што е потребно да се сочува и одбрани слободата на медиумите?
Цветаноска: Потребна е подобра организација на локално и државно ниво и од новинарите и од сопствениците на медиумите. Потребно е да се избориме за правата кои ни следуваат. Пред сè слободата на изразување и можноста за критика… Ние треба да вршиме притисок врз државата за да ги постави систематски работите на свое место.
Биљана Јордановска
Камера: Дехран Муратов
Овој проект е финансиран од Европската Унија преку програмата за мали грантови „Заштита на слободата на медиумите и слободата на изразување во Западен Балкан“ спроведена од Здружението на хрватските новинари, како дел од регионалниот проект „Регионална платформа на Западен Балкан за слобода на медиумите и безбедност на новинарите”, спроведена преку партнерство на шест регионални новинарски здруженија – Здружение на независни новинари на Србија, Здружение на новинари од Босна и Херцеговина, Здружение на новинари на Хрватска, Здружение на новинари на Косово, Здружение на новинари на Македонија и Синдикатот на медиуми на Црна Гора.
Овој проект е финансиран од Европската Унија преку програмата за мали грантови „Заштита на слободата на медиумите и слободата на изразување во Западен Балкан“ спроведена од Здружението на хрватските новинари, како дел од регионалниот проект „Регионална платформа на Западен Балкан за слобода на медиумите и безбедност на новинарите”, спроведена преку партнерство на шест регионални новинарски здруженија – Здружение на независни новинари на Србија, Здружение на новинари од Босна и Херцеговина, Здружение на новинари на Хрватска, Здружение на новинари на Косово, Здружение на новинари на Македонија и Синдикатот на медиуми на Црна Гора.
