„Да се биде различен во Македонија е проклетство, а да се биде млад и различен е дополнително проклетство!“, тврди активистката за човековите права, м-р Ирена Цветковиќ, извршна директорка во коалицијата „Сексуални и здравствени права на маргинализираните заедници“. Во разговорот за ЦИВИЛ Медиа, таа зборува за истражувањето „Љубов само после часови“, и за причините поради кои темите за љубовта, сексуалноста, сексуалното и репродуктивно здравје, насилството, љубомората, интимноста и приватноста се избркани од македонските училишта.Активистката за правата на маргинализираните заедници, магистерката по родови студии Ирена Цветковиќ, тврди дека младите луѓе – лезбејки, геј-момчиња, бисексуалци и трансродни луѓе, во училиштата не успеваат да најдат одговори на прашањата кои најмногу ги засегаат и дека го минуваат периодот на личниот развој во средина која ги казнува, дискредитира и исклучува нивните идентитетски карактеристики, животни практики, искуства на вљубеност, социјални релации и врски.
Според Цветковиќ, чиј текст „Во училиште нема место за различните“, предизвика големо внимание на цисијалните мрежи но и во пошироката јавност, во македонските училишта „постои апсолутно непрепознавање на родово базираното насилство, хомофобичното насилство и малтретирање“, и сето тоа најчесто се третира од професорите како „детска игра“. Поради тоа, и поради сознанија дека и улогата на стручните служби во училиштата, на педагозите и психолозите, пред сé, се сведува на олеснување на позицијата на различните, Цветковиќ се залага за едукација на учениците низ сеопфатен систем на сексуално образование“.
Маријана Гугоски / Маја Ивановска
Камера: Дехран Муратов
