Асоцијацијата „Комитет за заштита на правата“ во сабота, на 16 септември, организира конференција на тема „Враќање на одземената правда“, чија цел се реформи на правосудството со кои ќе се елиминира можноста кој било да се обиде масовно да ги крши правата на граѓаните
На конференцијата ќе се претстават основните идеи и цели на оваа Асоцијација, по што ќе следува дискусија за прашањата кои се дел од Нацрт-стратегијата за реформа на правосудството 2017-2021 со Акционен план, во чие дополнување со свои предлози зеде учество и Комитетот.
Комитетот е асоцијација на граѓани и сродни здруженија во која членуваат претставници од сите поголеми полициско-политички судски случаи, како: „Шпион“, „Ликвидација“, „Агент“, „Метастаза“, „Фаланга“, „Монструм“, „Змиско око“, „Детонатор“, „Калдрма“, „ПМФ“, очниот хирург Ставриќ и други помали случаи.
Најголемиот дел на членови на Комитетот се обвинети лица, на пример, во случаите „Ликвидација“, „Шпион“, „Метастаза“…, а во некои случаи, како „Монструм“, „Детонатор“, „ПМФ“, членови на Комитетот се блиски роднини на обвинетите, кои се и дел од раководството.
Комитетот се залага за таква реформа на правосудството со која во иднина ќе спречи можноста било кој да посегне масовно да ги повреди правата на граѓаните!
