ВЕСТ НА ДЕНОТ
Африм Гаши избран за претседател на Собранието
Африм Гаши е избран за претседател на Собранието на Република Северна Македонија. Беше изгласан со 76 гласа ,,за”, а ,,против” гласаа само шесте пратеници на Левица.
Поранешниот претседател на Алтернатива која е дел од ВЛЕН, Гаши, беше предложен за претседател на Собранието со потписи од 75 пратеници од ВМРО-ДПМНЕ, Коалицијата ВЛЕН и Движењето ЗНАМ.
ИЗЈАВА НА ДЕНОТ
– Ги осудувам акциите на Израел во кои загинаа голем број невини цивили кои само бараа засолниште од овој смртоносен конфликт. Нема безбедно место во Газа. Овој ужас мора да престане, истакна генералниот секретар на ОН, Антонио Гутереш на Х.
ФЛЕШ ВЕСТИ
ПОЛИТИКА Собранието денеска во рамки на конститутивната седница со 101 глас „за“ од вкупно 117 присутни го усвои извештајот на Верификационата комисија и со тоа ги верифицира мандатите на 118 пратеници. Со тоа им престана мандатот на пратениците од стариот собраниски состав.
ДЕЗИНФОРМАЦИИ На социјалната мрежа Х (Икс) се споделува фотомонтажа од наводно поставување на сообраќајни табли со името Република Македонија и знамето со Сонцето од Кутлеш (Вергина).
СВЕТ На меѓународната донаторска конференција во Брисел беа собрани 7,5 милијарди евра за сириските бегалци
ВОЈНА ВО УКРАИНА
Руските агресори го нападна регионот Запорижја со беспилотни летала, авиони и артилерија, откако предходно го ракетираа и аеродромот
ЦИРКУЛАРНА ЕКОНОМИЈА
Проф. д-р Марина за ЦИВИЛ: Фундаментална реформа на целото општество, со силна и јасно искажана политичка волја и вклученост е клучот за развивање на циркуларната економија
За да се дојде до одржлив урбан развој неопходно е да се случи промената на парадигмата низ кој ние го согледуваме, анализираме, разбираме и објаснуваме светот околу нас и изградената средина, а потоа на сосем нови основи да започнеме да го организираме нашиот живот и развојот на човечките заедници, вклучувајќи ги тука и градовите, вели проф. д-р Огнен Марина, професор на Архитектонски факултет Скопје во интервју за ЦИВИЛ по повод Неделата на циркуларна економија на Западен Балкан 2024.
*
Која е разликата меѓу ЦИРКУЛАРНА и ЗЕЛЕНА економија?
Циркуларната економија претставува „развојна стратегија која овозможува економски раст без зголемување на потрошувачката на ресурси, а со тоа го намалува влијанието врз животната средина“. Додека циркуларноста придонесува кон поодржлив свет, не сите иницијативи за одржливост придонесуваат кон циркуларноста. Циркуларноста се фокусира на циклусите на ресурсите, додека одржливоста, генерално, се однесува пошироко на луѓето и економијата.
СЛОБОДНА ЗОНА
И со предизборните најави за укинување на „Преспанскиот договор“ кога по промената на уставното име, целиот свет кон нас почна да се обраќа со името Македонија (со придавката Северна), се наговестуваше враќање кон некои дамнешни времиња од периодот на кратенката „ФИРОМ“ или „ПЈРМ“, па странскиот фактор кон нас се обраќаше исклучив со „вашата земја“, „вашиот јазик“.
А во вториот дел од слоганот „Македонија повторно твоја“, кој најверојатно поради недостаток на простор на билбордите е изоставен, и истовремено, креаторите на истиот сметале дека се подразбира гласачите на кои се обраќаат да сфатат дека со тоа што ни го нудат, со зборот твоја, всушност тие ни овозможуваат Македонија повторно да биде наша… наша земја, наша држава.
Токму како што сега и ја нарекува новата претседателка. Граматички и математички прецизно, пишува Драган Мишев во колумната „Македонија повторно – „нашата земја““.
Д. Муратов
