ВЕСТ НА ДЕНОТ
Повеќе против отколку за – кој е епилогот од досегашната седница за интерпелација на Гаши
На пленарна седница во тек е интерпелацијата на претседателот на Собранието Африм Гаши. Барањето за интерпелација го поднесе Левица на 6 август во седум точки и тоа, наводно, за повреда на секуларноста на државата, повреда на дипломатските правила (случајот Вјоса Османи), повреда на употребата на македонскиот јазик во Собранието, присуството на знамињата на НАТО и ЕУ во пленарната сала, непотизам (патувањето на сопругата на Гаши со него во Вашингтон), и повреда на деловнички одредби.
Пред да започне излагањето на Левица собранискиот спикер Африм Гаши рече дека нема да реплицира и дебатира, туку ќе се повлече и нема да ја води седницата.
Епилог
СДСМ за, со минус еден пратеник, Фатмир Битиќи.
ВМРО-ДПМНЕ, ВЛЕН и ДУИ – едногласно против.
За ЗНАМ уште не се знае.
Левица, како подносител, секако дека е за интерпелацијата.
Со вакво презенитрање на гласовите интерпелацијата би требало да падне во вода, а собранискиот спикер да остане да го води Собранието.
ИЗЈАВА НА ДЕНОТ
Вработените во МАНУ го активираа штрајкот, дел од академиците со пцости и навреди кон штрајкувачите
– Истите во периодот кога се активираше штрајкот најмија адвокатска канцеларија преку која се одвива комуникацијата со вработените и која има една единствена задача, а тоа е да ги заплаши вработените и да најде начин, како да го забрани одвивањето на штрајкот. Исто така дел од академиците, раководителите на организационите единици при МАНУ кога беше најавено активирањето на штрајкот веднаш почнаа со закани на вработени дека ќе бидат избркани од работа, а одредени раководители со пцости и навреди почнаа да им се обраќаат на вработените. Што не им доликува на титулата Академик, вели Дејановски.
РЕГИОН
Протест на Србите од паралелните косовски институции во Северна Митровица
Вработените во паралелните органи на Србија во Северна Митровица денеска повторно се собраа пред зградата на општината, со барање да се вратат на работа, јави дописникот на МИА од Приштина.
По затворањето на српските паралелни институции на северот на Косово во петокот, работниците од овие институции вчера се обидоа да влезат во зградата, тврдејќи дека „дошле на своите работни места“, но беа запрени на влезот од страна на полицијата.
СВЕТ
Руските сили лансираа две балистички ракети против градот Полтава на 3 септември, при што загинаа најмалку 41, а беа повредени над 180 лица, објави претседателот Володимир Зеленски на Фејсбук.
ГРАЃАНСКА АКЦИЈА
ПРАШАЊЕ НА ДЕНОТ: Што мислите за иницијативата на Левица за интерпелација на претседателот на Собранието Африм Гаши
Како што соопшти Левица на прес конференцијата на 6 август, барањето за интерпелација на Гаши се состои во седум точки и тоа, наводно, за повреда на секуларноста на државата, повреда на дипломатските правила (случајот Вјоса Османи), повреда на употребата на македонскиот јазик во Собранието, присуството на знамињата на НАТО и ЕУ во пленарната сала, непотизам (патувањето на сопругата на Гаши со него во Вашингтон), и повреда на деловнички одредби.
СЛОБОДНА ЗОНА
„Иако вмровските тролови на социјалните мрежи продаваат ветер и магла, и овој потег во најава на невидено го претставуваат како епохален, сепак, како некако касно да му текна на премиерот на нашата земја да најавува мерки за олеснување неопходни за стартот на учебната година откако истата веќе започна, и најголем дел од родителите веќе го купиле училишниот прибор неопходен за нормално одвивање на штотуку започнатата настава во училиштата“, пишува Драган Мишев во колумната „Додека Мицкоски се сети, отиде полугодието“.
Д. Муратов
