ВЕСТ НА ДЕНОТ
Лидерот на Хамас, ЈахјаСинвар, организаторот на нападот на 7 октомври 2023 година, со кој почна војната во Газа, беше убиен во синоќа (17.10.2024) за време на операција на израелските војници во палестинската енклава.
Западните лидери изјавија дека неговата смрт дава можност да се стави крај на конфликтот, но израелскиот премиер Бенјамин Нетанјаху рече дека војната ќе продолжи се додека не се вратат заложниците земени од милитантите на Хамас во октомври минатата година.
Либанската милитантна група Хезболах денеска објави дека преминува во нова, ескалирачка фаза во војната против Израел по атентатот на лидерот на Хамас, Јахја Синвар, во која ќе користи наведувани проектили за да ги гаѓа израелските војници.
ИЗЈАВА НА ДЕНОТ
Москва можеби е гласна, но НАТО е силен. Во се понеизвесниот свет, од витално значење е да продолжиме да ги модернизираме нашите капацитети и да вежбаме заедно за да ги задржиме нашите конвенционални и нуклеарни сили силни, истакна Руте, додавајќи дека основната цел на нуклеарната способност на НАТО е да се зачува мирот, да се спречи принудата и да се одврати агресијата.
РЕГИОН
Изетбеговиќ-Хоџиќ: Положбата на бошњачкиот народ на Западен Балкан останува главен фокус на СДА
СВЕТ
Барак и Мишел Обама се вклучија во кампањата на Камала Харис за избор за претседател на САД
Демократката Камала Харис по првпат ќе води кампања заедно со Барак и Мишел Обама на одвоени настани следната недела, со цел да внесе политичка енергија во последниот налет пред изборите во ноември, изјави висок претставник на нејзината кампања.
ГРАЃАНСКА АКЦИЈА
ПРАШАЊЕ НА ДЕНОТ: Што мислите за начинот на кој партиите комуницираат меѓу себе и со јавноста?
СЛОБОДНА ЗОНА
Алекс Салмонд, гостинот на експретседателот Иванов: Шкотски ултранационалист, популист, путинист
Додека Владите на Шкотска и Обединетото Кралство работат заедно за да го вратат телото на Алекс Салмонд (69), поранешен прв министер на Шкотска помеѓу 2007 и 2014 година, кој ненадејно почина во Охрид за време на конференцијата организирана од поранешниот македонски претседател Иванов, одредени британски таблоиди се занимаваат со деталите околу начинот на кој починал, според очевидци на настанот, кои тврдат дека поранешниот шкотски прв министер колабирал додека ручал во преполна просторија отворајќи шише кечап за својата колешка, и како што ќе покаже постморталниот преглед, тој починал од срцев удар.
*
Што содржи Планот за победа на Зеленски и како го пренесоа македонските медиуми
Предлогот се состои од пет точки: покана за членство во НАТО, одбранбен аспект, одвраќање на руската агресија, економски раст и соработка и повоена безбедносна архитектура.
*
За тоа дека некои дезинформации се појавуваат во различни периоди и на различни места, пример е и еден наш прилог од 2020 година. Фотографија од Алгеро, Сардинија (Италија) тогаш се сподели како да е направена во Тетово, Северна Македонија, Малта, Бугарија и други земји.
Д. Муратов
