ВЕСТ НА ДЕНОТ
До Министерството за надворешни работи нема официјален допис од Европската Унија дека ќе дозволуваат влез со пасоши кои го содржат старото државно име. Земјите членки сами одлучуваат како ќе се однесуваат во однос на валидност на пасошите, изјави министерот за надворешни работи Бујар Османи.
Османи денеска на прес-конференција соопшти дека досега само две земји имаат донесено официјален став, додека другите држави се поставуваат практично.
-Швајцарија достави официјална нота дека ќе дозволува влез со старото име, додека Босна и Херцеговина нема да ги признава личните карти и пасоши кои го содржат името „Република Македонија“, изјави Османи.
ИЗЈАВА НА ДЕНОТ
„Од клучна важност е во демократија, ние како граѓани да го сфатиме тоа многу сериозно и да бараме од нашите кандидати која е нивната визија за нашата иднина, да видиме кои се нашите цели за нашите семејства, за нашата заедница, за оваа земја. И потоа од клучна важност е на 8 мај да излезат и да гласаат, затоа што важно е тие да ги изберат кандидатите кои тие сметаат дека ќе ги однесат кон најсветлата иднина за оваа земја“, изјави меѓу другото американската амбасадорка Ангела Агелер.
ВОЈНА ВО УКРАИНА
Украинското воено воздухопловство ноќеска собори 13 од 19-те беспилотни летала лансирани од Русија
*
Европска Унија денеска 13 пат воведе санкции кон Русија во пресрет на втората годишнина од инвазијата на Москва врз Украина, соопшти Белгија, која претседава со ЕУ.
ФЛЕШ ВЕСТИ
Меѓународен ден на мајчиниот јазик: Македонскиот јазик е цврст столб на нашето општество на кој можеме и на кој треба сите да се потпираме…
ИЗБОРИ СДСМ ќе има кандидатски листи во сите изборни единици, рече денеска претседателот на партијата и поранешен премиер, Димитар Ковачевски.
ДЕЗИНФОРМАЦИИ Не е вистина дека кодот MKD премолчено е заменет со NMK, се наведува во рецензијата на Вистиномер.
СВЕТ
– Израелскиот Кнесет одлучи да не ја признава палестинската држава.
– Столтенберг: НАТО очекува Грузија да тргне по патот на приклучување кон евроатлантското семејство.
– Адвокатите на основачот на Викиликс започнуваат процес што би можел да биде негов последен обид да избегне екстрадиција во САД каде што се соочува со судење и долги затворски казни за оддавање воени тајни.
АЛ-ПРЕС
Редакциски избор на ЦИВИЛ Медиа од албанските медиуми во регионот
➡️ДВ: Молотови коктели и петарди кон албанската влада на синоќешните протести на опозицијата
➡️Сури: Ден по протестот на опозицијата, заседава Демократската пратеничка група
➡️Клан Косова – Британски извештај: Русија ги обновува капацитетите за дестабилизација на Европа, се споменува и Косово
➡️Бота Сот: Гувернерот на Централната банка на Косово Ахмет Исмаили денеска на средба го прими амбасадорот на Австрија Георг Шнецер
➡️КОЛУМНА Коха: Добредојдовте во 1970 година
МОНИТОРИНГ НА ЦИВИЛ
Спин, манипулација и партиска пропаганда дека „100 илјади Косовци поднеле барање за пасош“
Текст со наслов: „Речиси 100 илјади Косовци поднеле барање за пасош од почетокот на годинава“ објавен во Македонската информативна агенција (МИА), а потоа пренесен во повеќе македонски медиуми, предизвика бурни реакции во јавноста, бидејќи голем дел од граѓаните го лапнаа „кромидот“ мислејќи дека се работи за барање за македонски, а не за косовски пасоши.
Оваа вест (имајќи предвид дека поголемиот дел од граѓаните читаат само наслови) ја искористија партиските ботови да шират пропаганда и етничка нетрпеливост.
СЛОБОДНА ЗОНА
„Народната вели „нешто се памти, а нешто не се заборава” и еве, во оваа една реченица, едно такво само потсетување со желба да се заборави но да не се повтори: време – есен 2008-ма, локација – западна периферија на главниот град, простор – национална ТВ што туку продадена на фирма од соседна држава со овдешни капитални бизнис врски, дејство – 15-тина со повеќе или со помалку стаж новинарки и новинари како на школска екскурзија се истовараат од две комбиња пред влезот на телевизијата…“, По допрен глас од Зоран Иванов –„Па сега, медиуми партиски навивачи и здруженија новинарски амнезични, прочешлајте малку кој тоа и каде тоа ендемски е лоциран центарот за партиски притисок врз новинарството“.
„Објавувањето на Сора, „со текст до видео“ генераторот на ОПЕН АИ ја возбуди ВИ заедницата како никогаш досега, дури повеќе од појавата на Чет ГПТ 3. Сите егзалтирани што Сора произведува конзистентно реално видео од околу една минута, да речеме од промпт „Направи ми видео од два лабрадори како влечат жена“ малкумина сфатија дека тоа е речиси ГВИ, ако не и ГВИ односно еднакво на човечката интелигенција. Сора има модел за светот, анализира, размислува, предвидува што ќе се случи, планира, реализира. Токму затоа во ова продолжение разговараме за најопасните сценарија што може да се случат. Прашањето за ВОЈНА или МИР со ВИ. “, Дијалози меѓу Џабир Дерала и Валентин Нешовски – „На чекор до „страшната“ Генерална Вештачка Интелигенција – Војна или Мир“.
Подготви: Д. Тахири
