ВЕСТ НА ДЕНОТ
Пратениците на ВМРО-ДПМНЕ ја спречија расправата за сертификатот на директорот на АНБ, Христовски
Собраниската седница на Комисијата за надзор на работата на Агенцијата за национална безбедност и на Агенцијата за разузнавање на која првично беше како единствена точка на дневен ред ставена Информацијата за незаконското именување на директор на АНБ поднесена од пратеници од опозициската СДСМ, по на моменти жестоката процедурална дебата меѓу власта и опозицијата беше прекината без да биде утврден дневниот ред.
Пратениците од парламентарното мнозинство во процедурална забелешка укажаа дека седницата била закажана без да биде запазаен Деловникот, односно по барање на една пратеничка група без поддршка на точката од една третина од пратениците, и без да бидат информирани сите пратеници на Собранието. Воедно, побараа да се дополни дневниот ред со две точки како прва и втора точка за посета на АР и на АНБ на 3 декември, односно на 16 декември по изнесените сомневања од страна на премиерот дека бил пруслушуван.
ИЗЈАВА НА ДЕНОТ
Наумоски: Данела е лажга и клеветничка – така пресуди судот денес
„Знам дека медиумите кои тогаш ја проследија оваа лага и кои не го објавија мојот тогашен демант, нема ни денес да се потресат за да ја објават одлуката на судот. Написите и ден денес стојат во нивните архиви. Не е тоа никаква правда после три години да добиеш судска пресуда, спротивна од осудата во јавноста. На луѓе како Данела тоа не им е важно, затоа што се луѓе без образ, кои не ги болат лагите (или вистините) кажани во јавност за нив. Мене ме болеше, а и моите блиски, па затоа морав да инсистирам на судска разрешница, а сега ќе инсистирам и на отштета и што поголемо и посуштинско јавно извинување од најдобрата менаџерка која некогаш чекорела по оваа скопска котлина“, истакна во објавата Наумоски.
СОЦИЈАЛНА ПРАВДА
Околу 350 деца Роми ќе бидат згрижени бесплатно во јавните градинки во 21 општина
Околу 350 деца Роми, на возраст од три до шест години, ќе престојуваат бесплатно во јавните градинки во 21 општина во државава. Во рамки на проектот „Инклузија на децата Роми во јавните општински установи – детски градинки“, денеска беа потпишани договори за соработка меѓу Министерството за социјална политика, демографија и млади, општините и градинките на нивна територија каде што ќе бидат згрижени децата од таа етничка заедница.
РЕГИОН
Во Белград пред Владата и претседателството на Србија се одржа протест поради уривање на настрешницата на зградата на Железничката станица во Нови Сад, во кое загинаа 14 лица, а тројца беа тешко повредени, јави дописникот на МИА од Белград.
СВЕТ
Украинските медиуми објавија дека во руските напади досега се убиени 589 деца, а најмалку 1.681 дете се ранети.
КОЛЕГИУМ
(ВИДЕО КОЛЕГИУМ #4) НАЈЖЕШКИТЕ ТЕМИ ВО СВЕТОТ И ДОМА: Глобални пресврти и македонски контроверзии
СЛОБОДНА ЗОНА
„Есенва започна, а истите теми нѐ преокупираат повторно како и секоја есен досега. Колку ќе нѐ чини зимницата, колку училишните прибори и како ќе ја поминеме зимата со огрев? Сигнал дека се подигнал стандардот на граѓаните ќе биде кога барем една од овие теми нема да е актуелна“, пишува Војо Маневски во колумната „Ако сакаме да прогледаме, мора да се разбудиме“!
*
„Можеби звучи банално, но вториот обид најмоќната држава на светот да добие претседателка неминовно нè тера да ја потпевнуваме, со доза на горчина, онаа песна на Џејмс Браун од 1966 година – „Ова е машки, машки свет“. Овој интерес за евергринот не е само одраз на чувството за долга и тивка сегрегација на општеството што се гордее со својата демократска традиција, туку е и одраз на длабоката аномија на една голема заедница што ја претставува старо-новиот претседател Трамп“, пишува Љубомир Костовски во анализата „АМЕРИКАНСКИ ИЗБОРИ: Ова е машки свет“.
Д. Муратов
