Вкупно 4,1 милијарда денари за плати и пет милијарди денари за исплата на пензиите се предвидени со ребалансот на Буџетот
Вкупно 4,1 милијарда денари за плати и пет милијарди денари за исплата на пензиите се предвидени со ребалансот на Буџетот, соопшти денеска министерката на финансии Гордана Димитриеска Кочоска.
На прес-конференција во Владата таа информира дека вкупните приходи во Буџетот се планирани на 318 милијарди 150 милиони денари што е за 8,22 милијарди зголемување. Планирнао е и зголемување на даночните приходи од сопствени сметки. Расходите се планирани на 362 милијарди 816 милиони денари што е зголемување од 19,178 милијарди денари.
ИЗЈАВА НА ДЕНОТ
Борел: ЕУ е решена да ги брани интегритетот, универзалноста и независноста на Меѓународниот кривичен суд
Европската Унија ја потврдува својата непоколеблива поддршка на Меѓународниот кривичен суд и е решена да ги брани неговите интегритет, универзалност и независност, се наведува во изјавата на високиот претставник на ЕУ за надворешна политика и безбедност Жосеп Борел по повод годишнината од усвојувањето на Римскиот статут на трибуналот на 17 јули 1998 година.
РЕГИОН
Редакциски избор: Вучиќ бил директно вклучен во обуката на терористичката група што го изврши нападот во Бањска; Србите на север не плаќаат данок на имот; Белери порача дека ќе ја издржи казната до крај
Министерот за внатрешни работи на Косово, Џелал Свечла, изјави дека претседателот на Србија, Александар Вучиќ, бил директно вклучен во обуката на терористичката група која го изврши нападот во Бањска во Звечани во септември минатата година, јавуваат косовските медиуми.
СВЕТ
Најмалку 81 лице се убиени во израелските напади врз Газа во последните 24 часа, според најновото ажурирање на здравствените власти на опколената и бомбардирана територија, пренесе Алџазира.
Најмалку осум училишта управувани од ОН во кои се сместени луѓе во Газа се погодени во изминатите 10 дена, рече шефот на УНРВА. За девет месеци војна, 70 отсто од училиштата на УНРВА во Газа се бомбардирани, а 539 луѓе кои се засолниле таму се убиени.
СООПШТЕНИЕ НА ЦИВИЛ
ЦИВИЛ: Стоп за славеничкото пукање. Твојот куршум може да убие некого!
„И како организацијата и како дел од Меѓународната акциона мрежа за борба против нелегалното оружје, ЦИВИЛ апелира до сите домаќини и организатори на семејни и други веселби да ги заменат (легалните и нелегалните) пиштоли и куршуми со легални и безбедни начини на одбележување на нивните настани.
Исто така, ЦИВИЛ потсетува дека славеничкото пукање е забрането со закон и е дел од традиција која им припаѓа на минатите векови. Куршумите не се средство за комуникација со кое соседството се информира за радосната вест.“, се наведува во соопштението на ЦИВИЛ.
СЛОБОДНА ЗОНА
„Дезинформациите и теориите на заговор пукнаа само неколку минути по обидот за атентат врз Трамп, што ги направи изборите во САД уште понеизвесни, а земјата помалку безбедна, ехо на најлошите денови на политичко насилство во земјата.“, пишува Авторот Џабир Дерала, во колумната „Истрели: Трамп, омраза и политичка иронија“.
Подготви: Д. Тахири
