Во Обвинителството за гонење организиран криминал и корупција во моментов тече сослушувањето на Лиле Стефанова за случајот „Рекет“.
Стефанова е втора обвинителка која се сослушува за „Рекет“, откако вчера на распит беше и нејзината колешка Елизабета Јосифоска, која е заменичка на Јанева во СЈО.
Пред Обвинителството има бројни новинарски екипи, но не се знае дали Стефанова ќе даде изјава за медиумите. Вчера таа рече оти сѐ што има ќе каже во рамки на истрагата. Сите лица кои се сослушуваат, освен осомничените Бојан Јовановски и Зоран Милески, имаат својство на сведоци, сѐ додека не се прошири истрагата со евентуално нови осомничени.