пишува: АРБЕН ТАРАВАРИ
Многу пати сум зборувал за типот на политичар што го промовира спектакуларната ДУИ. Далеку е тоа од концептот на демократија и плурализам. Тоа што го прави овој партиски субјект не е чесен политички натпревар.
На почетокот, во едни дамнешни времиња, народот им ја даде довербата. Последиците од тоталитарниот режим што го воведе оваа партија паднаа на плеќи на народот. На истиот народ којшто на почетокот реши да им верува. Оттогаш, се знае ДУИ-овата игра – бранење на престолот со измами, интриги, уцени. Секој што застана на нивна страна си доби соодветна награда. Ене ги, сопственици на фабрики, имоти, луксузни автомобили… Ама и самите знаат дека паднаа во мрежата на монарсите, кои владејат и над нивната судбина. Ниеден седатив на светот нема да им помогне да излезат од оваа мрежа. И сето тоа додека многумина наспроти нив тонат во екстремна сиромаштија или бегаат далеку од родната грутка.
Кој би помислил дека политичката сцена ќе трпи таков мизерен политички субјект и упорно ќе го одржува во живот?!?
Но нивната ера полека се движи кон крајот. Историјата го потврдува падот на многу династии. Па, така и на оваа, која упорно се препелка во сопствената кал.
Она што до некаде е очекувано, а во добар дел е гротеска, е типот на политичар што припаѓа на ДУЈовиот калап. Речиси сите со оној благ грч, а вештачка насмевка, навидум спокојни и самоуверени во претстојниот успех. Па, за 18 години ништожно владеење што друго им преостанува?!? И додека тие си се смешкаат, последиците по државата се од невидени размери. Го „заслуживме“ епитетот на една од најкорумпираните земји! Народот плаче, тие си се смешкаат! Која иронија и агонија.
И истите тие ликови си дозволуваат сите да нѐ ставаат во еден кош. Па, зарем е можно тоа? Секоја споредба со дегенерираниот политичар на ДУИ единствено може да се смести во жанрот на научно – фантастичното. Ама, пак, разбирливо е, до толку се опиени од потребата за власт што се како нарко-зависници, чиј процес на одвикнување е болен и деликатен. Но неопходен, заради нивното здравје.
Да се разбереме, не им посакувам зла и болести, за нив најдобрата казна ќе биде совеста со која што ќе живеат до крајот на животот. Има лекови и за тоа, ама терапијата треба да е вековна. Ако ми тропнат на врата, ќе пробам да им помогнам.
Сите права се задржани. Услови за користење, авторски права и заштита на приватноста.