На денешната седница на Државната изборна комисија се разгледуваше барањето на Владата во врска со несогласувањето на министерката за финансии и дополнителната министерка за финансии во однос на тоа дали потпишување на заем меѓу Северна Македонија и Светска банка е финансиско прашање што се однесува на организација на изборите, кое според известувањето на Владата е наменето за справување со последиците од пандемијата со Ковид-19.
https://www.facebook.com/MediumskaInformativnaAgencija/videos/880018692510408/
ДИК едногласно одлучи дека ова прашање нема никакви финансиски ипликации поврзани со изборите и дека нема потреба од врзан потпис на министерката и дополнителната министерка за финансии.
По барање на дополнителната министерка за финансии ДИК повторно одлучуваше за одлуки донесени за унапредување на службеници во министерството, дали се акти на избори, по што донесе одлука дека тие одлуки немаат никакви импликации во изборниот процес. По тужење на оштетената странка и целата судска постапка, Вишиот управен суд ја поништува одлука на ДИК.
ДИК призна дека во нејзината одлука има само техничка грешка, во именувањето на актите, но повторно донесе одлука дека не се работи за нешто што вилијае на организацијата на изборите.
Со новата Уредба од Владата за изборните дејствија од ДИК објаснија дека единствено можат од технички аспект да се подготвуваат за изборите, но не и да донесуваат акти, одлуки и сл. што се директно поврзани со изборниот процес. Односно за останатиот дел од работата на ДИК уште важи претходната уредба на Владата од 21 март, кога се прекинаа сите изборни дејствија на Комисијата.
Како што информираа на седницата, врз основа на оваа Уредба, ДИК ќе испрати дописи до МВР и до управите за санкции и за водење на матични книги за прибирање на потребните податоци за граѓаните.
Борис Кондарко, член на ДИК предложи да се направи драфт верзија на Роковникот, Кодексот што го потпишуваат политичките партии, регулација на платеното политичко рекламирање, едукација на гласачите и на ОИК, како и примената на заштитните мерки и протоколите за заштита од корона вирусот за време на гласање. Сите овие активности треба да започнат уште во понеделник по завршување на вонредната состојба.
Следната седница на ДИК е најавена во недела, 14 јуни.
Б. Ј.
