Како одговор на прашање од ЦИВИЛ Медиа за став по предлогот на ДУИ за прв премиер Албанец, генералниот секретар на Алијансата за Албанците, и градоначалникот на општина Гостива, Арбен Таравари, директно, по писмен пат ни го елаборира во кратки црти ставот на партијата.
– Во принцип, со ниеден закон не било и не е забрането да се избере Албанец на која било државна позиција во Република Северна Македонија.
ДУИ шест пати ги доби парламентарните избори, и ниту еднаш не споменале за позиции за министер за финансии, министер за надворешни работи, министер за внатрешни работи, а не па за премиер!, вели Таравари.
Во принцип, ние ( Алијансата за Албанците) сметаме дека една од овие три клучни позиции би требало да биде застапена од Албанец, но,тоа секако би требало да се направи со политички договор помеѓу тие што го сочинуваат мнозинството во влада. По 30 години многупартиски систем во Македонија, на денот за прв пат се избра Албанец Претседател на Собранието, лидерот на ДУИ не беше присутен за гласање на истиот, и затоа, и сега сметаме дека нивниот предлог е предизборна демагогија и лага, како и многу други во изминатите 18 години.
Сметаме дека идејата им е егзибиција, сега кога се спремаат да одат во опозиција.
Албанците, Македоните, како и другите етнички заедници во РСМ, се повеќе засегнати за квалитетен живот, квалитетно здравство, правда за сите, враќање на довербата во државните институции, повисоки плати, странски инвестиции и нови вработувања, отколку да ги слушаат приказните на Али Ахмети.
По предлогот на лидерот на ДУИ, Али Ахмети, дека е време за прв премиер Албанец, речиси сите партии се со идентичен став, дека и овој пат, како и во минатото, ДУИ манипулира и поставува ултиматуми секогаш кога е во прашање иднината и опстојувањето на ДУИ на власт, предизборно.
Д. Тахири
