Откако на социјалните мрежи и преку чет апликациите почнаа да се шират видеа на кои се гледаат воени транспортери и автобуси полни со војници, со тврдење дека тоа е руска војска која или веќе навлегла во Белорусија или „само што не влегла“, проверувачите на факти од Белорусија бргу ги разоткрија ваквите наводи како дезинформации.
Како што нагласува Франак Вјачорка, аналитичар од Минск, надворешен соработник на „Атлантскиот Совет“ и заменик-претседател на ДигиКомНет, меѓународна асоцијација на професионалци од дигиталната сфера која им помага на новинарите, таквите тврдења се невистините, но сепак треба да се биде внимателен.
Many telegram channels distribute videos of Russian armored vehicles and buses full of soldiers moving to Belarus or in Belarus already. We fact-checked this information and it is misleading. However, let’s be attentive anyway.
— Franak Viačorka (@franakviacorka) August 17, 2020
Тврдењата на Вјачорка ги поткрепуваат и негови колеги од Русија, односно Conflict Intelligence Team. И тие анализирале видео од конвој транспортери БТР 80 АПЦ, за кој се тврдело дека е руски. Нивните проверки велат дека најверојатно станува збор за белоруски падобрански единици кои се транспортираат од Витебск до Хродно, според наредбите на белорускиот претседател Александар Лукашенко.
Yesterday a video surfaced showing a BTR-80 APC convoy inside Belarus, which some alleged was Russian. We believe these were in fact Belarusian paratroopers, moved from Vitebsk to Hrodno under Lukashenka’s televised order the day before. pic.twitter.com/UYn0ux3RAv
— CIT (en) (@CITeam_en) August 17, 2020
Инаку, директен повод за ваквите дезинформации е веста од Кремљ, дека во разговор вчера Владимир Путин, претседателот на Русија на својот белоруски колега му понудил помош во воена сила за смирување на демонстрациите против изборните резултати за кои демонстрантите велат дека се фингирани. Русија исто така обвини дека протестите се надворешен притисок врз Русија, но не прецизираше кој е „главниот актер“ на тој притисок.
Во Минск, главниот град на Белорусија, вчера се случи веројатно најголемиот собир на граѓани, а со тоа и најголемиот протест во историјата на оваа земја.
Belarus Freedom march is the largest gathering in Belarus history! pic.twitter.com/2SwS59qfLS
— Franak Viačorka (@franakviacorka) August 16, 2020
Во Белорусија интензивно се протестира повеќе од седмица, откако на 9 август се одржаа претседателските избори во Белорусија. На нив, според според Централната изборна комисија, актуелниот претседател Александар Лукашенко добил 80,1 отсто од гласовите, а неговата противкандидатка Светлана Тихановскаја, која во моментов е во егзил во Литванија, добила само 20 отсто од гласовите.
Таа не ги призна изборите, обвинувајќи за фалсификат по што следеше бранот протести на улиците на повеќе градови во Белорусија. На социјалните мрежи и на многу медиуми може да се посведочи за бруталните акции на безбедносните сили на Белорусија и за насилството врз демонстрантите и активистите, од кои голем дел беа апсени. Има и убиени активисти. Во неколку градови на Белорусија се протестира и денеска.
извор МЕТА
