Меѓу мноштвото активности на организациско ниво и на теренот во изминатите неколку месеци, ЦИВИЛ продолжува со исполнување на густата агенда и со почетокот на есента.
ЦИВИЛ одржа работилници и инфо штандови проследени со анкети меѓу граѓанките и граѓаните во општина Гостивар, Штип, Велес, Гевгелија и Скопје, како дел од проектот „Зелените доаѓаат“ со поддршка од Фондацијата Хајнрих Бел од Германија, со регионално седиште во Сараево ( БиХ).
Зелениот караван на ЦИВИЛ е дел од проектот „Зелените доаѓаат“, и е посветен на промоција и јакнење на јавната свест за зелените вредности, социјалната правда и антинационализмот. Социјалната правда и антинационализмот се дел од европските и зелените вредности кои ЦИВИЛ ги застапува во текот на своето 20-годишно постоење, а во изминатите неколку години и во партнерство со Фондацијата.
Зелениот караван ќе заврши со национална конференција посветена на зелените вредности и стратегии, како единствена одржлива алтернатива за општеството и за државата. Зелениот караван е дел од проектот „Зелените доаѓаат“ кој се спроведува во партнерство со Фондацијата Хајнрих Бел.
На првиот ден од Зелениот караван на ЦИВИЛ, што тргна од Плоштад слобода во Скопје, претседателот на ЦИВИЛ, Џабир Дерала и се обрати на јавноста и поддржувачите на организацијата со пораки за зелените вредности.
https://www.facebook.com/324459714339171/videos/723530938230830
Граѓанките и граѓаните, медиуимите и сите заинтересирани лица кои ги посетија инфо штандовите на Зелениот караван на ЦИВИЛ во Тетово и Гостивар имаа можност да разменат искуства и ставови со тимот на ЦИВИЛ на тема зелени вредности, социјална правда и антинационализам.
https://civilmedia.mk/glasno-za-zeleno-vo-tetovo-i-gostivar/
ЦИВИЛ организираше работилница во рамки на Зелениот караван посветена на зелените вредности, социјалната правда и антинационализмот, на отворено во Гостивар.
На работилницата градоначалникот на Гостивар, Арбен Таравари, претставници на општината и на Советот, како и претставници на граѓанското општество имаа можност да ги разменат своите ставови со тимот на ЦИВИЛ. Проектот го презентираше Џабир Дерала, кој воедно ја истакна важноста на граѓанското учество и на носителите на одлуки во заедничка соработка на промоција и негување на зелените вредности, социјалната правда и антинационализмот.
ЦИВИЛ организираше работилница „Зелените доаѓаат“ како дел од Зелениот караван посветена на зелените вредности, социјалната правда и антинационализмот, во просториите на Општина Штип.
На работилницата присуствуваа претставници на општината и на Советот, како и претставници на граѓанското општество и медиумите. Главните теми и цели на Зелен ЦИВИЛ ги поттикнаа присутните да развијат дискусија за главните активности што се преземаат во промоција и негување на зелените вредности, социјалната правда и антинационализмот, но ги споделија и главните проблеми со кои на локално ниво се соочуваат граѓанките и граѓаните на Штип во однос на комуналната хигиена, работничките права, едукацијата и јакнење на јавната свест.
Зелениот караван на ЦИВИЛ продолжи во Гевгелија, каде што одржа работилница работилница во малата сала на Народниот театар во Гевгелија (Дом на култура).
Модераторка на работилницата беше Биљана Јордановска од ЦИВИЛ, а со свое излагање за проектот ќе се претстави претседателот на ЦИВИЛ, Џабир Дерала. Во присуство на медиумите и присутните граѓанки и граѓани, свои обраќања на тема зелени вредности, социјална правда и антинационализам имаа градоначалникот на Гевгелија, Сашо Поцков и претседателот на Советот на Општината, Тодор Ристов.
На работилницата беа поканети претставници на Општината и општинскиот совет, институциите, организациите на граѓанското општество, зелените иницијативи, политичките партии, медиумите и активистите во соодветните области.
https://civilmedia.mk/zelen-tsivil-zelenite-politiki-vo-fokusot-na-lokalnata-vlast-vo-gevgelija/
Градоначалникот Поцков ги истакна капиталните инвестиции во зелените политики на локално ниво, како и социјалните политики, особено во последниот период, наметнати од пандамијата со Ковид-19. Градоначалникот напомена дека сè уште постои интерес за отворање рудници во гегелискиот регион, но заеднички со Советот одлучиле дека Гевгелија ќе инвестира во зелени решенија, одржлив економски, еколошки и социјален развој.
Во интервјуто за ЦИВИЛ Медиа, Градоначалникот на Гевгелија, Сашо Поцков, зборува за тоа како го направи градот да е позелен, модерен и да ги застапува европските вредности. Тој зборува и за тоа како се победи национализмот во Гевгелија дури и додека траеше проблемот со името со соседна Грција.
Тимот на ЦИВИЛ потоа продолжи со инфо штандови и анкети со граѓанките и граѓаните во општините Демир Капија и Неготино.
Зелениот караван на ЦИВИЛ одржа работилница и средби со граѓанките и граѓаните во општина Велес.
Свое излагање за напорите Велес да биде и остане препознаен како зелен град имаше и градоначалникот на Велес, Ацо Коцевски.
Градоначалникот Коцевски зборуваше за зелените на локално ниво, но и за национализмот како општествена појава, иако Велес не е препознатлив како град каде национализмот предизвикува кофликти во меѓуетничките односи.
„Национализмот е последното прибежиште на неранимајковците“, вели Коцевски.
Градоначалникот особено се осврна на зелените проекти на општината, но и за предизвиците на локалната самоуправа во поглед на бавната децентрализација.
Зелениот караван ќе заврши со национална конференција посветена на зелените вредности и стратегии, како единствена одржлива алтернатива за општеството и за државата. Зелениот караван е дел од проектот „Зелените доаѓаат“ кој се спроведува во партнерство со Фондацијата Хајнрих Бел, регионално седиште Сараево, БиХ.
