ЦИВИЛ има значајна улога во изградбата на демократски капацитети во нашата држава. Оваа година ја одбележа пандемијатаа која направи голем здравствен и економски проблем, не само кај нас туку во целиот свет“, вели д-р Арбен Травари, градоначалник на Гостивар, на Конференцијата на ЦИВИЛ „Перспективи 2021“.
Сега сме на крај на пандемијата, и се надевам дека во првите месеци од 2021 година ќе почне вакцинацијата и кај нас. Очекувам од јуни да шетаме без маски. Пандемијата донесе и економски последици во целата држава, како и во нашата општина. Сега сме задолжени околу 3 милијона, а претходно бевме задолжени околу 1 милијон.
Првите месеци треба да апелираме да има помалку лажни вести и дезинформации против вакцината. Траба да им дадеме предност на тие кои дирекно работат со болните од Ковид. Половина од населението веќе и на природен начин ја помина пандемија, меѓутоа треба останатите да ја примат вакцината. Челниците на државата треба први да ја примат вакцината за да бидат пример за граѓаните дека не е штетно да се прими таа вакцина против Ковид-19.
Тој вели дека првата цел во 2019 година беше да станеме дел од НАТО и тоа веќе е остварено, меѓутоа за жал, не по наша вина, не почнавме преговори со ЕУ, но по изборите во Бугарија ќе се најде начин да се најде решение да се отпочнат преговорите некаде на лето.
„И покрај ветото, голем дел од граѓаните се уште сакаат и не губат надеж дека ќе ги отпочнеме преговори со ЕУ, односно во брзо време да станеме граѓани на Европа.
Локланите избори очекувам да бидат демократски, и да нема злоупотреби на изборниот процес. Не знам дали ќе има и парламентарни избори, но ако има и тие очекувам да бидат фер и демократски“, истана Таравари.
