пишува: САФИТ ЗЕЌИРИ
Пописот е систематски процес на собирање податоци на населението на една земја. За Република Северна Македонија е неопходен и треба да биде спроведен на најдемократски начин.
Исто така, пописот е една од најважните статистички активности преку која се обезбедуваат детални информации за бројот и структурата на населението. Да се знае после 19 години колку население има во земјата и кој е бројот по етнички групи за да се има чиста слика на Географски карактеристики; Демографски карактеристики; Економски карактеристики; Образовни карактеристики; Миграциски карактеристики; Културолошки карактеристики; Инвалидитет/функционална попреченост. Потоа да се направи една длабока анализа во споредба од последниот попис кој беше спроведен во 2002 година.
Пописот е значаен затоа што дава детален опис на економски, социјален и животен аспект на една земја. Така ќе може да се креираат политики за конкретни кои се потребни во областа на здравството, образованието, вработувањето, инфраструктурата и др. Откако ќе бидат обезбедени сите податоците и информации ќе помагаат на одговорните државни органи да ги планираат тие политики врз основа на реална база.
Покрај тоа, податоците за пописот овозможуваат споредба меѓу градовите и општините, а за меѓународните и домашните институции лесно да ги следат случувањата и попрецизно да ги испланираат своите активности и инвестициите во сите области.
Опструкција на пописот не е начин да се помогне на државата, туку се одмага, како што е случај за многу работи кои се случуваат во последните години. Не е можно се да не чини, и само од една перспектива да се гледаат работите. Така е и овој пат од неколкудневна расправија во собранието, повторно истите реторики на опозицијата.
Гледано од социјален аспект освен покачувањето на месечната минимална плата, пензиите и социјалната помош другото е останато како што беше со многу мал процент на покачување што е далеку до 500те евра, односно 30.000те илјади денари за едно семејство (двочлено семејство).
Спроведувањето на пописот во Република Северна Македонија овозможува и отворање на други перспективи откако земјата е членка на НАТО, а и пред отворање на преговори и за Европската Унија.
Сите права се задржани. ЛИНК: Услови за користење, авторски права и заштита на приватноста. Текстот е личен став на Авторот.
