Државната комисија за спречување на корупција на денешната 46 седница го утврди потпретседателството на членот на ДКСК, Шемси Салаи, по истекот на мандатот на Катица Николовска.
ДКСК ги утврди и измените во Правилникот на систематизацијата на работните места во Секретаријатот на ДКСК и утврдување на четворица нови вработени по распределбата од Министерството за политички систем, односно тројца помлади соработници и еден референт.
ДКСК отвори повеќе предмети, меѓу кои за член на Совет на општина, кој истовремено е член и на Управен одбор на детска градинка, за пратеник во Собранието кој истовремено е член и на Надзорен одбор во Центарот за управување со кризи и за в.д. директор на средно општинско училиште, кој истовремено управува како сопственик со трговско друштво.
Конкретно ДКСК посвети внимание на предметот отоверн по анонимна пријава, а се однесува на генралниот секретар на Државниот завод за ревизија кој укажува на злоупотреба на службена положба и незаконско трошење на јавните средства во ДЗР. Во пријавата се наведува дека претходниот главен државен ревизор во својот мандат го назначил, а со истекот на неговиот мандат требало да истече и мандато на назначениот генерален секретар. Но, како што стои во пријавата тој продолжил да ја врши функцијата генерален секретар со плата која му следува според функцијата, наместо да се врати на претходната позиција што ја имал во ДЗР. Заменикот на главниот државен ревизор бил информиран за оваа состојба, но не презмал ништо. ДКСК заклучи дека немаат законски основ да псотапуваат по предметот во услови кога во тој период, две години ДЗР беше без главен државен ревизор.
„Во таа насока можеби политичките одлуки што се носат во Собранието придонеле да се случи ваквата состојба. Доколку главниот државен ревизор се изберел навремено воопшто не би настанала ваквата состојба“, истакна претседателката на ДКСК, Билјана Ивановска.
ДКСК дискутираше и за предмет кој е отворен по пријава на ВМРО-ДПМНЕ во однос на доделување на концесии на фирми што се во сопственост во тесно и крвно сродство со претседателот на Владата, Зоран Заев, со обвинување дека доделувањето на концесии се должи на коруптивни активности. ДКСК формира два предмети едно преку одделението за корупција и друг преку одделението за судир на интереси за анализа на учеството на премиерот при доделување на концесиите.
„Улогата на Зоран Заев, како премиер на Влада воопшто не влијаело на донесување на одлуките за распределба на концесиите. Од аспект на коруптивно однесување наводите во пријавата на ВМРО-ДПМНЕ не се потврдени“, залучија од ДКСК запирајќи ја постапката по овој предмет.
Б. Ј.
