Претседателот на Република Северна Македонија, Стево Пендаровски истакна дека со вежбата „Одлучен удар 21“ се зајакнува билатералното партнерство со нашите два соседа, Република Грција и Република Бугарија.
Тој порача дека тука работата не е завршена, напротив, земјава ќе продолжи со инвестирање во одбраната и модернизирање и опремување на Армијата.
– Во изминатите две недели имавте одлична можност да ја проверите интероперабилноста на неколку НАТО држави. Неспорно е дека покажавте капацитет и способност за планирање и организирање на големи вежби заедно со другите сојузнички армии. Освен што е потврда во воена смисла, оваа вежба е исклучително значајна за зајакнување на транс-атлантското партнерство и преку тоа и за безбедноста на Европа и Западен Балкан. Со оваа вежба го зајакнуваме билатералното партнерство со нашите два соседа и во исто време ја интевизираме регионалната соработка во областа на одбраната и безбедноста, истакна Пендаровски.
