Министерот Филипче денеска ја посети реновираната Универзитетската Клиника за Ортопедски болести каде на простор од 1300 метри квадратни во 20 болнички соби ќе има можност да се сместат и третираат 70 пациенти во најсовремени услови.
Информираше дека реновирањето чинело околу 13 млиони денари, а најголем дел од средствата се обезбедени од самата Клиника додека другиот дел од донаторите.
-Огромен број на експерти работат тука, огромно искуство е кулминирано тука на оваа Клиника, тоа се наши колеги познати во светот по своите интервенции, по своите публикации и тоа е уште еден аргумент, уште една работа со која што сме навистина горди, истакна министерот за здравство Венко Филипче при денешната посетата на клиниката.
Министерот Филипче , во одговор нановинарски прашања се осврна на неговата работа како министер за здравство.
Филипче рече дека е горд затоа што во неговиот мандат платите на лекарите се зголемени речиси двојно, додека најмногу жали што не успеал да го изгради Клиничкиот центар.
Според него сегашните рестриктивни мерки во пресрет на новогодишните празници се доволни со оглед на тоа, како што рече, такви собири на јавни места има насекаде. Практично, вели тој, кулминација ќе се достигне за време на новогодишните празници и после сето тоа ќе спласне.
-Не гледам зашто специфично и само за новогодишните празници би правеле некаква рестрикција кога собири сега пред нова година традиционално има секаде во огромен број луѓе се собираат, нагласи Филипче.
Во однос на вакцинацинираните, министерот смета дека процентот е висок, но и дека интересот е спласнат.
-Сметам дека опфатот кој што според новиот попис веројатно негде помеѓу 50, па дури и 55 проценти ако се исклучат децата, сепак е висок, прилично висок процент. Жал ми е што спласна интересот и нема да достигнеме за кратко време 70 или 80 проценти опфат. Така да, во таа смисла имајќи ја дополнително предвид тоа што болниците се навистина растеретени, дел од ковид центрите веќе се затвораат. Во почетокот на следната недела целата интерна клиника ќе се врати во нормална работа.Значи Одделот за неврологија и дерматологија се враќа во нормална работа, сите ковид капациетни тука ќе бидат сместени само на Инфективната клиника. Сметаме дека ситуацијата е мирна, потенцира Филипче.
Сепак, рече тој не можеме да се предвиди како ќе биде, дали некоја варијанта на вирусот ќе придонесе да се влоши епидемиолошката ситуација, но додаде дека затоа акцент е ставен на вакцинацијата.
