Најавените мирни протести пред седиштето на Демократската партија во Тирана, кој го повика поранешниот претседател на Демократската партија и поранешен претседател и поранешен премиер на Албанија, Сали Бериша, ескалираа со обид за насилно заземање на партиските простории од страна на приврзаниците на Бериша.
За време на денешните немири, приврзаниците на Бериша со чекани ги искршиле новопоставените метални безбедносни врати во канцелариите во обид да се искачат на вториот кат. За време на денешните немири, приврзаниците на Бериша со чекани ги искршиле новопоставените метални безбедносни врати во канцелариите во обид да се искачат на вториот кат. Локалните медиуми пишуваат дека вработените кои се нашле во зградата се обиделе да ги спречат демонстрантите уште пред доаѓањето на полицијата.
Албанската полиција одговори со солзавец и водени топови на нападот на демонстрантите кои фрлаа камења врз седиштето на опозициската Демократска партија во услови на жестока битка меѓу партиските ривали за власт.
Полицијата ги повика граѓаните да се оградат од каков било чин на насилство или нарушување на редот и безбедноста, бидејќи ќе се соочат со силата на законот.
Според албанските медиуми, „војната“ Бериша-Баша избувнала на 9 септември 2021 година, кога Љуљзим Баша, на барање на САД, го суспендирал Сали Бериша од пратеничката група на ПД, бидејќи бил прогласен за нежена. Стејт департментот на САД за корупција, уцена против правдата и поткопување на демократијата.
Амбасадорката на САД во Албанија Јуриј Ким рече дека нејзината администрација е длабоко загрижена поради тензиите во Демократската партија.
„Оние кои поттикнуваат насилство или го поткопуваат владеењето на правото ќе одговараат“, напиша Ким на Твитер.
Во објава на Фејсбук, делегацијата на ЕУ во Тирана ги осудува актите на насилство, истовремено нагласувајќи дека на Европската унија и треба солидна опозиција која придонесува за реформската агенда на земјата.
„Делегацијата на Европската унија ги осудува актите на насилство што се случија денеска и ги повикува сите вклучени актери на смиреност и воздржаност. Во политиката не треба да има простор за насилство. Сите инволвирани имаат одговорност да обезбедат демонстрациите да се одржат на уреден и мирен начин и да ја осигураат безбедноста на сите присутни. „Патот на Албанија кон интеграцијата во ЕУ има потреба од солидна опозиција која ќе придонесе за реформската агенда на земјата, одговарајќи на аспирациите на албанскиот народ, чие огромно мнозинство сака да ја види Албанија во ЕУ“, се вели во соопштението на ЕУ.
Со реакција во врска со протестот се јави и претседателот на Албанија Илир Мета. Како што пренесуваат албанските медиуми, Мета нагласува дека протестот е уставно право, но повика на задржување на смиреноста и избегнување на насилството како и дека дека е неопходно да се најде демократско решение кое ќе му служи на мирот во земјата.
„Повикувам да се задржи смиреноста, да се избегнуваат акти на насилство, провокации и непотребни тензии. Многу е неопходно да се најде итно демократско решение, кое ќе му служи на социјалниот мир и демократијата во земјата“, пишува Мета.
