Германската сојузна покраина Долна Саксонија ја забрани употребата на знакот „Z“ (З), кој стана симбол на поддршка за руската инвазија на Украина, соопшти Министерството за внатрешни работи на сојузната покраина.
– Секој кој ја поддржува руската агресија преку симболот „Z“ мора да смета на кривично гонење во Долна Саксонија, изјави министерот за внатрешни работи на Долна Саксонија, Борис Писториус.
За ова кривично дело законот предвидува парична казна или затвор до три години.
Тој објасни дека е „целосно неразбирливо“ да има луѓе кои го поддржуваат „ова злосторство“ преку симболот „З“ во Германија.
Писториус соопшти дека во Долна Саксонија, во неколку наврати во последните денови, имало случаи да се истакнува зимболот Z, кој руските војници го користат на својата моторизација при нападот на Украина, а кој во меѓувреме се претвори во симбол за поддршка на руската агресија врз Украина.
