Ковачевски: Чиста формулација за македонскиот јазик, историските прашања не можат да бидат критериуми, цврсти гаранции од Бугарија и ЕУ дека Бугарија нема да условува со нови барања
Премиерот Димитар Ковачевски се огласи на својата Фејсбук во врска со јавната дискусија околу францускиот предлог, при што уште еднаш потврди дека Владата на Република Северна Македонија формално нема добиено предлог кој е усогласен на ниво на сите 27 земји членки.
Скиншот од Фејсбук објава на премиерот Димитар Ковачевски
Каков и да биде конечниот усогласен текст на францускиот предлог, посочувам дека, за истиот да биде прифатлив за нас, клучни се следниве елементи:
-Чиста формулација за македонскиот јазик во преговарачката рамка и јасна заштита на македонскиот идентитет;
-Историските прашања не можат да бидат критериуми во преговарачката рамка;
– Преговорите помеѓу Северна Македонија и ЕУ мора да почнат пред отпочнувањето на постапката за уставните измени за вклучување на Бугарите, Хрватите и Црногорците во преамбулата на Уставот;
– Цврсти гаранции и од Бугарија и од Европската Унија дека Бугарија нема да условува со нови барања, надвор од она што ќе биде договорено во преговарачката рамка и билатералниот протокол кој сѐ уште не е усогласен со Бугарија;
– Секое решение ќе треба да е консултирано со институциите на Република Северна Македонија,напиша Ковачевски.
