Украинските научници чекаат водата да се повлече пред целосно да го проценат влијанието врз животната средина од уништувањето на браната Каховка, но еден поранешен министер предупреди дека тоа може да ја предизвика најлошата еколошка катастрофа по нуклеарната катастрофа во Чернобил.
Аналитичари за „Гардијан“ изјавија дека обемот на штетата ќе зависи од количеството испуштена вода и од степенот на штетата на браната, но и двете се уште се непознати. Во најмала рака, уништувањето на браната принуди евакуација на илјадници луѓе, поплавени паркови и го загрози снабдувањето со вода за пиење на милиони луѓе. Во најлош случај, може да има долгорочна опасност за најголемата европска нуклеарна централа Запорижја.
Меѓународната агенција за енергија на Твитер објави дека нејзините експерти во Запорижја, која се наоѓа на 160 километри низводно од браната, внимателно ја следат ситуацијата. Тие рекоа дека не постои директен ризик за нуклеарна безбедност бидејќи базените за ладење веќе се полни. Тоа може да се промени ако акумулацијата зад браната значително се испразни, што го отежнува дополнувањето на системот за ладење и работата на генераторот.
Поранешниот министер за екологија Остап Семерак изјави за „Гардијан“ дека според него ова е голема закана и дека може да се појават други опасности во наредните денови и недели бидејќи поплавите ќе ги зафатат градовите, бензинските пумпи и фармите, ќе се контаминираат со агрохемикалии и нафтени деривати, а потоа се влеваат во Црното Море.
Ова ќе има влијание врз Романија, Грузија, Турција и Бугарија. Тоа ќе биде штетно за целиот регион. Нашата влада објави дека ова е најголемата еколошка катастрофа во Европа во изминатите 10 години и мислам дека може да биде најлошата во Украина по Чернобил во 1986 година, додаде Семерак.
Снабдувањето со вода за пиење може да се намали или прекине во неколку градови, вклучувајќи го и Керсон, а наводнувањето може да се покаже невозможно во делови од обработливо земјиште, што ќе влијае на посевите. Се очекуваат масовни помори на риби, мекотели и други водни видови, широко распространето уништување на живеалиштата и негативни влијанија врз еколошки важните национални паркови. Освен тоа, вели Семерак, мините ќе се поместат и ќе бидат покриени со кал, што ќе го отежне нивното лоцирање.
Г. Т.
