Македонскиот институт за медиуми (MИM), по 16-ти пат го објавува конкурсот за престижната новинарска награда за најдобра истражувачка сторија на годината, која од 2014 година го носи името на новинарот Никола Младенов.
Конкурсот е отворен до 6-ти февруари, за сите професионални новинари и редакции кои објавиле свои истражувачки стории во медиумите во Македонија во текот на 2016 година, како и за оние новинари и редакции кои сакаат да пријават истражувачка сторија подготвена и/или објавена од колеги-новинари или од други редакции. Не постојат ограничувања во однос на бројот на сториите со кои еден новинар или редакција можат да учествуваат на конкурсот.
Апликациите може да се испратат:
– по електронска пошта – [email protected];
– по пошта – Македонски институт за медиуми, Јуриј Гагарин 17-1/1, Скопје;
– или лично да се достават во МИМ.
Апликациите кои ќе бидат испратени по пошта или доставени во МИМ, треба да бидат во пет примероци, што важи и за печатените и за аудиовизуелните материјали (копии на ЦД). Во апликациите доставени преку интернет треба да се наведе линк до сторијата, или истата да се прикачи како додаток во е-пошта (PDF документ).
Критериумите за избор на најдобрите истражувачки стории се достапни овде.
Авторите на најдобрите истражувачки стории ќе добијат парични награди во износ од:
– 30.000 денари за првонаградената сторија;
– 20.000 денари за второнаградената; и
– 10.000 денари за третонаградената сторија.
