Од Центарот за управување со кризи информираат дека утрово, во земјава има активни 13 пожари, од вкупно 28-те пожари на отворено во последното деноноќие.
Како што информираат од ЦУК, активни пожари има меѓу селата Јаболчишта и Дреново во општина Чашка, кај селото Калањево во општина Велес, кај селата Сирково и Подлест во општина Росоман, кај местото викано Бегово Поле во општина Студеничани, ( горат нискостеблеста шума и ниска вегетација), меѓу селата Драгоево и Селце, с.Пухче и с. Пиперово во општина Штип, кај селото Габровник во општина Чашка, село Слатина во општина Македонски Брод, кај селото Гајринци во општина Пробиштип, кај селото Подлес во општина Чашка, кај месноста Смолево во општина Битола, село Небрегово општина Прилеп и Долнени и кај Пепелиште кај општина Штип.
Од ЦУК информираат дека под контрола се четири пожари – меѓу селата Слепче и Гостиражни во општина Долнени, градската депонија во Делчево, селото Девич во Македонски Брод и селото Штурово во општина Радовиш., додека девет пожари се изгаснати, а два се локализирани.
М. Д.
