Амбасадорката на Украина, Лариса Дир, води своевиден јавен дневник на социјалните мрежи за борбата на земјата што ја претставува против руската агресија. Таа денеска го цитира украинскиот претседател Зеленски.
„Ден 934. „Војните на агресија како што е руската војна против Украина може да завршат праведно на неколку начини – или окупациската армија да биде потисната надвор, или дипломатијата осигурува дека вистинската независност на земјата е зачувана и е ослободена од окупацијата. Во двата случаи, на Украина ѝ е потребна силна позиција – @ZelenskyyUa“, напиша амбасадорката Дир.
Day 934.“Wars of aggression such as🇷🇺war against🇺🇦can end fairly in several ways – either the occupying army is pushed out or diplomacy ensures that the country’s real independence is preserved and it is freed from occupation. In both cases,🇺🇦needs a strong position”-@ZelenskyyUa pic.twitter.com/cRXNEFaolg
— Larysa Dir (@dir_larysa) September 14, 2024
Цитатот е дел од говорот на украинскиот претседател при отворањето на 20-то издание на годишната Јалтинска конференција за европска стратегија (Yalta European Strategy) што се одржува во Кијив по руската окупација и нелегално анектирање на полуостровот Крим во 2014 година.
Цитатот се појави и на Фејсбук страницата на амбасадата на Украина со повеќе фотографии од настанот на кој присуствуваат голем број европски и светски лидери.
