Украинската амбасадорка во земјава, Лариса Дир, која на социјалните мрежи води своевиден дневник на случувањата во Украина за време на целосната и неиспровоцирана руска воена агресија на својата сметка на Х објави дека се одржа Петтата Конференција за 1 точка од Формулата за мир „Радијациона и нуклеарна безбедност“. На настанот кој беше организиран од Франција зедоа учество 70 земји кои издадоа заедничко Коминике: surl.li/xesxzp . Истовремено, таа изрази благодарност до Северна Македонија и Франција за учеството и поддршката.
Се одржа Петтата Конференција за 1 точка од Формулата за мир „Радијациона и нуклеарна безбедност“-настанот беше организиран од🇫🇷,на кој зедоа учество 70 земји
Заедничко Коминике: https://t.co/ib5ByE4c4j
Благодарност до🇲🇰 @MFA_MKD за учеството и на🇫🇷за поддршката!@FranceMacedoine pic.twitter.com/3hjs2pjtqB— Larysa Dir (@dir_larysa) October 18, 2024
По повод настанот од кабинетот на претседателот на Украина издадоа соопштение во кое се вели дека пефот на Кабинетот на претседателот на Украина Андриј Јермак учествуваше на тематска конференција посветена на првата точка од Формулата за мир: „Радијација и нуклеарна безбедност“.
Настанот беше организиран од Франција, копретседавач на работната група заедно со Украина, со дополнително ко-лидерство од Чешка, Јапонија и Шведска. Учествуваа претставници од 70 земји и меѓународни организации, лично и онлајн. Во украинската делегација беа министерот за енергетика Герман Галушченко, неговиот заменик Роман Андарак и советникот на шефот на кабинетот на претседателот Олександр Бевз.
Андриј Јермак нагласи дека нуклеарната и радијационата безбедност станаа политички приоритет поради големата милитаризација на мирната нуклеарна енергија од страна на Русија за време на нејзината агресија против Украина.
„Запленувањето на нуклеарната централа Запорожје, најголемата во Европа, беше прекршување без преседан на меѓународното право и прописите за нуклеарна безбедност. Централата е претворена во воена база, а нејзиниот персонал работи под постојан притисок и закани“, нагласи тој. .
Шефот на Кабинетот на претседателот истакна дека Украина мора да ја врати целосната контрола врз сите свои нуклеарни постројки и да обезбеди нивна работа според меѓународните стандарди и принципите на МААЕ.
„Во областа на нуклеарната безбедност, ние мора да ја принудиме државата агресор да го спроведе принципот „Три Д“: демилитаризација, деокупација и деескалација. Ова е критично важно и за Украина и за светот“, рече Андриј Јермак.
Министерот за енергетика Герман Галушченко истакна дека руски ракети и беспилотни летала летаат над украинските нуклеарни централи, што претставува ризик од катастрофални последици.
„Руското гранатирање на енергетската инфраструктура влијаеше на нуклеарната безбедност. Тие имаат за цел да нè лишат од снабдување со електрична енергија и да предизвикаат целосно затемнување, што може да доведе до нуклеарен инцидент. Главното прашање е што тие не покажуваат грижа за нуклеарната безбедност“, рече Герман Галушченко.
Тој ги повика партнерите да донесат брзи одлуки кои ќе ја принудат Русија да ги прекине нападите врз енергетскиот сектор на Украина.
Министерот за Европа и надворешни работи на Франција, Жан-Ноел Баро, истакна дека светот мора да обезбеди заштита на нуклеарната инфраструктура на Украина.
„Ова бара координирана меѓународна акција, непоколеблива поддршка на МААЕ и јасна посветеност да се повикаат на одговорност оние кои ја загрозуваат нуклеарната безбедност. Влогот не може да биде поголем бидејќи Русија ја продолжува својата агресија против Украина“, рече тој.
Оваа конференција беше петта од серијата одржана по првиот Мировен самит. Секој настан резултира со Заедничко коминике. По конференциите за сите десет точки од Формулата за мир, ќе се развијат предлози за вториот самит за мир.
Драган Мишев
