Политичките партии се казнети со над 430.000 евра од почетокот на изборната кампања за парламентарните избори на 9 февруари.
За 3 недели од почетокот на кампањата, Избирачкиот совет за претставки и поднесоци ги казни политичките партии 88 пати во износ од 433.900 евра, пренесоа косовските медиуми.
Највисоките казни што ги изрече оваа институција до 31 јануари се два случаи од по 20.000 евра. Еден за Демократската лига на Косово (ЛДК) и еден за коалицијата Алијанса за иднината на Косово, НИСМА, Конзервативци, Интелектуалци. Прекршувањата утврдени од страна на Панелот за претставки и поднесоци главно се однесуваат на прекршување на Кодексот на однесување на политичките субјекти.
Опозицискиот политички субјект, Демократската лига на Косово, е субјектот кој има најголем износ на казни меѓу сите партии заверени за изборите на 9 февруари 2025 година. Оваа партија добила 21 глоба од Панелот за претставки и поднесоци во вкупен износ од 112.500 евра. Речиси сите овие казни против ЛДК дојдоа по жалбите на Движењето Ветевендосје.
Владејачката партија има најголем број казни од Панелот за претставки и поднесоци. Ветевендосје има вкупно 22 случаи, но многу пониски од ЛДК. Ветевендосја има вкупно 101.500 евра казни до 31 јануари. Поплаки за владејачката партија упатија ПДК, ЛДК и коалицијата ААК-НИСМА.
И политичкиот субјект сертифициран за изборите на 9 февруари, Семејната коалиција, во пет случаи е казнет од ПЗАП со вкупна сума од 25.500 евра. Приговорите кои беа одобрени ги упатија невладината организација „ЦЕЛ Косова и Дилберизим“ и Ветевендосје. Оваа коалиција е казнета во пет случаи поради прекршување на Кодексот на однесување.
Српска Листа беше казнета во три случаи, од две жалби поднесени од владејачката партија Ветевендосје и 1 од невладина организација. Српска Листа на 24 јануари беше казнета со 4.000 евра поради незаконско користење јавни површини во општина Лепосавиќ, поставување плакати на јавните улици.
Во другиот случај, најголемата српска партија беше казнета од панелот на ПЗАП со 4.500 евра поради истата причина, но со поставување транспаренти на северот на Митровица. Вкупно сумата со која Српска Листа беше казнета од почетокот на кампањата до 31 јануари е 13 илјади и 500 евра, поради прекршување на Кодексот на однесување.
Д. Т.
