Минатиот септември, реномираната тинк-тенк организација, Балкан Форум, со седиште во Приштина, Косово, ја започна иницијативата Кон 2030. Бројни новинари, аналитичари, лидери на граѓански организации и експерти пишуваа написи на клучни прашања поврзани со глобалните случувања и процеси, како и за меѓународните денови на почитување на човековите права, слободата на говорот и медиумските слободи, заштитата на животната средина, итн.
Како што беше најавено тогаш, „Кон 2030 претставува возбудлива нова иницијатива која ги обединува гласвите од шесте земји од Западен Балкан за да се вклучат во глобалните дискусии за најитните прашања на нашето време кои ќе ја обликуваат нашата иднина“. Досега, иницијативата е целосен успех и продолжува.
Преку оваа иницијатива, автори од Албанија, Босна и Херцеговина, Косово, Црна Гора, Северна Македонија и Србија ги споделуваат своите уникатни перспективи за глобални теми кои кореспондираат со меѓународни настани и денови од значење.
Кон 2030 содржи серија регионални блогови, кои нудат свежи сознанија за теми како што се безбедноста, одржливоста, демократијата, човековите права, иновациите, климаските промени и социјалниот напредок. Балкан Форум обезбеди простор за слободно изразување за многу релевантни прашања, усогласувајќи ја својата содржина со клучните глобални моменти, каде што авторите помагаат да се премостат уникатните перспективи на регионот со пошироките глобални разговори.
„Ова не е само иницијатива – тоа е платформа за дијалог, можност за Западен Балкан да придонесе во светските дискусии кои се важни. Придружете ни се додека тргнуваме на ова патување кон 2030 година, засилувајќи ги гласовите на нашиот регион и поттикнувајќи разговори што ги надминуваат границите. Останете со содржините кои поттикнуваат на размислувања што ќе не инспирираат, информираат и поврзат сите нас!“, соопштува Балкан Форум.
Официјалниот хаштаг на иницијативата е #Towards2030 (Кон 2030).
Д. М.
Превод: Н. Цветковска
