Авионот со поранешниот филипински претседател Родриго Дутерте пристигна во Холандија каде што треба да се соочи со обвиненијата за злосторства против човештвото пред Меѓународниот кривичен суд (МКС) поради неговата смртоносна „војна против дрогата“, објави Би-би-си, пренесува ЦИВИЛ Медиа.
Дутерте беше уапсен на аеродромот во Манила во вторникот и за неколку часа беше на изнајмен авион кој полета преку Дубаи до Хаг, каде што се наоѓа МКС.
79-годишниот би можел да стане првиот азиски поранешен шеф на држава на кој му се суди во МКС.
Дутерте, кој ја оспори неговата екстрадиција, ги водеше Филипините од 2016 до 2022 година и претседаваше со насилна „војна против дрогата“ во која без судење беа убиени илјадници мали дилери на дрога, корисници и други лица.
Д. Мишев
