Полицијата ги лиши од слобода лицата кои правеа огномет синоќа во Скопје за непочитување на одлуката за седумдневна жалост.
„На 19.03.2025 околу 21.25 часот во СВР Скопје е пријавено дека во градскиот парк во Скопје има огномет и не се почитува одлуката на Владата за седумдневна жалост. Веднаш е постапено од страна на полициските службеници на СВР Скопје и утврдено е дека во угостителски објект во градскиот парк била организирана роденденска прослава, при што од страна на М.Ф. (18) и М.Ф. (18), двајцата од Скопје бил запален огнометот“, велат од МВР.
Тие се лишени од слобода и задржани во полициска станица во врска со чл 387 од КЗ, а по документирање на случајот ќе биде поднесена соодветна пријава.
Сите други тези кои се пласираа вчера како имало огномет од луѓе кои посакувале ,,меѓуетнички конфликт” се дезинформации.
