Советникот за национална безбедност на САД, Мајк Волц, создаде и водеше повеќе чувствителни разговори за национална безбедност на апликацијата Сигнал со членовите на кабинетот, вклучително и оние за мирот меѓу Русија и Украина, објави Волстрит џурнал (ВСЈ) на 30 март, цитирајќи неименувани американски официјални лица, пренесува Кијив Индипендент.
Веста доаѓа откако Валц, претходно, предизвика истекување на чувствителни информации со додавање на Џефри Голдберг, главен уредник на списанието Атлантик, во собата за разговор на Сигнал, во која разговарал за иден напад на САД врз Јемен.
Инцидентот на Сигнал го поткопа кредибилитетот на Валц кај американскиот претседател Доналд Трамп, додека советникот за национална безбедност продолжува да оди по тенка линија, пишуваат повеќе медиуми.
Според двајца американски претставници, Валц на Сигнал разговарал и за чувствителни теми, како што се мирот меѓу Русија и Украина и воените операции, објави WSJ. Официјалните лица одбија да кажат дали во тие разговори биле објавени доверливи информации.
Валц е клучен член на тимот на САД кој сака да посредува за мир меѓу Украина и Русија. Тој учествуваше во разговорите со делегациите на двете земји во Саудиска Арабија во февруари и март.
Д. Мишев
ПРОЧИТАЈТЕ И:
