И на минатиот редовен петочен граѓански форум,, граѓаните повторно побараа од властите да си заминат, како и на претходните форуми. Не изостанаа ниту постојаните повиците до властите да не лажат, да не крадат и да не си играат со иднината на народот.
Порачаа и дека „без опозиција ќе владеат долго и безгрижно“.
ГРАЃАНСКИ ФОРУМ (ПРАШАЊЕ НА ДЕНОТ): Што сакате да им порачате на властите?
Што им порачаа граѓаните на властите?
„ Да престанат да бркаат ветерници и вештерки, и да се фатат за реална работа, за иднината на државата“
„Да гласаат за уставни измени“
„Да го вратат македонскиот јазик и идентитет“
„Да си одат!“
„Да наполнат воз и да одат кај Орбан“
Граѓаните коментираа и за неодамнешниот предлог „балон“ на премиерот за воведување даноци за немажени и неженети, за да се подобри демографската состојба на земјата, односно, како што кажа тој, „за спас на Македонија“.
Една од пораките гласи:
„Да се воведе данок на глупост, белким ќе го пополнат буџетот“
Граѓаните бараат да се спроведе правдата за жртвите од пожарот во дискотеката „Пулс“ во Кочани, и да се најде вистинскиот виновник.
Бараат колективна оставка откако и да не лажат дека економските состојби се подобрени.
„Граѓански форум“ е простор во кој секој петок, како завршница на прашањата на денот, граѓаните без задршки имаат можност преку коментари да испратат пораки, искуства но и критики до властите, институциите, политичарите, а според досегашните одговори, тие тоа го прават на јасно артикулиран начин, со директни пораки и сугестии.
Редакцијата на ЦивилМедиа е отворена за граѓанките и граѓаните не само во петок, туку и секој ден од неделата, да споделат свои пораки, прашања, грижи и искуства, било во коментари или во пораки, и им заблагодарува за довербата, отвореноста и директниот настап. Ве очекуваме секој ден, а во специјализиран простор – секој петок во Граѓанскиот форум.
Сите прашања на денот може да се најдат во рубриката ФОРУМ на интернет весникот ЦивилМедиа.
Д. Тахири
