Најмалку пет лица се убиени, а неколку други се повредени во напад со пукање во Ерусалим утрово, соопштија израелските служби за итни случаи, додавајќи дека шест лица биле згрижени во сериозна состојба, објави Си-ен-ен.
Израелската полиција соопшти дека двајца напаѓачи пристигнале со возило на раскрсницата Рамот и отвориле оган кон автобуска станица. Потоа, еден службеник за обезбедување и еден цивил на местото на настанот возвратиле на оган, убивајќи ги напаѓачите, соопшти полицијата.
This is the evil Israel faces.
Two terrorists opened fire on a bus in Jerusalem — targeting passengers, bystanders, anyone in reach.5 murdered. Over a dozen wounded.
The war Israel fights is for all who stand against terror. pic.twitter.com/bjz1zdkii7
— Israel ישראל (@Israel) September 8, 2025
Двајца терористи отворија оган врз автобус во Ерусалим – таргетирајќи патници, минувачи, секој што е на дофат, се вели во постот на Х каде е објавено видео од настанот.
Пукањето е најсмртоносниот напад во градот од 2023 година, кога двајца милитанти на Хамас отворија оган на автобуска станица во Западен Ерусалим, убивајќи тројца Израелци.
Хамас не ја презеде одговорноста за пукањето во Ерусалим, но издаде соопштение во кое го поздрави.
Д. Мишев
